airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani mittarfik saneqqullugu qimussit aqqutissaat kinguaattoorpoq Corona pissutaalluni

Pilersaarutaasutut qimussit qamuteralaallu aqqutissaat, Ilulissaniik Kangerluarsummut, kinguaattoorpoq Corona pissutaalluni.
12. januar 2021

Ilulissani nutaamik mittarfiliortoqarneranut atatillugu, qimussit aqqutitoqaat atugassaajunnaarpoq. Taa-maattumik Munck Gruppen-ikkut piumaffigineqarsimapput allakkoortumik aqqusioqqullugit, taamaasilluni Ilulissaniik avannamut ingerlaartoqaqqissinnaalerniassammat.

Munck Gruppen aamma Kalaallit Airports nutaamik aqqusiornertik aallartissimavaat, sulisorpassuisali ilaat Kalaallit Nunaata avataani nikeriarsinnaajunnaarsimapput juullip kingorna matusinermut atatillugu.

-Qaartitassagut sumiiffinni marluniittut suli amigaatigaagut kiisalu nunagissaanissaq, aatsaallu tamanna naatsorsuutigalugu januarip naanerata missaani siusinnerpaamik pisinnaassasoq, Povl-Emil Olsen, Kalaallit Airports-imi suliamik aqutsisoq nassuiaavoq.

Kommunemiik Kalaallit Airportsilu suleqatigiipput, piaarnerpaamik aqqummik pilersitsiniarlutik.