airplanebooksbriefcase business cogs cross election entertainment fish house law lockmedicalpeopleselfservices socialtax

Siulersuisunut marlunnut ilagiillu sinniisaannut apriilip 6-ani qinersisoqassaaq

Avannaata Kommuniani qinersisartut apriilip arfernani kommunimut qinersiartorunik taasivissani pingasuni immersuinissamut periarfissaqassapput, tassalu kommunimut qinersinermut, nunaqarfinni aqutsisussanik qinersinermut aammalu ilagiit sinniisaannut qinersinissamut.
22. januar 2021

Avannaata kommuniani qinersinermut siulersuisut januaarip 13-iani ataatsimiinnerminni, kommunimut qinersisoqaraangat nunaqarfinnut aqutsisunik aamma qinersisarneq ileqquliunneqarsimasoq attatiinnarniarlugu aalajangiuppaat. Qinersinissaq apriilip arfernani pissaaq, qinersinermilu tassani qinersisartut ilagiit sinniisaannut aamma qinersinissamut periarfissaqassapput.

 

Qinersinermut siulersuisut ilanngullugu aalajangiuppaat, illoqarfinni sisamaasuni aammalu nunaqarfinni 22-usuni tamani taasisoqarsinnaassasoq, najukkanilu tamani taasinermi aqutsisussanik aamma toqqaasoqarpoq. Najukkani taasivissat taasinermilu aqutsisussat allattorsimaffimmi quppernerup naqqaniittumi takuneqarsinnaapput.

 

Nalunaarfissatut killiliussat

Kommunimut aamma ilagiit sinniisaannut qinersinermut najoqqutassiaq naapertorlugu, kikkulluunniit pinerluuteqartutut iliuuseqarsimaneragaasut taamalu qinigaasinnaatitaanngitsutut uparuarneqarsimasut qinigassanngortissinnaatitaapput. Qinersinermi ataatsimiititaliaq taannaavoq qinersereernerup kingorna kommunalbestyrelsimi imaluunniit ilagiit sinniisaanni ilaasortanik qinigaasinnaatitaannginnerannik aalajangiisartoq.

 

Kommunimut qinersinissamut qinigassanngortinniartut ulloq qinersivissaq apriilip arfernat sapaatip akunnerinik arfinilinnik sioqqullugu qinigassanngortinnerminnik nalunaaruteqartussaapput, nalunaarfissarlu 2021-mi marlunngornermi februaarip 23-ani nal. 12.00-imut killeqarpoq.

 

Nunaqarfinni aqutsisussatut qinigassanngortinniartut qinersinissaq ullunik qulinik sioqqullugu nalunaartussaatitaapput, nalunaarfissarlu 2021-mi marsip 27-anut nal. 12.00-imut killeqarpoq.

 

Ilagiit sinnissaannut qinersinissamut qinigassanngortinniartut qinersinissaq sapaatip akunnerinik sisamanik sioqqullugu kingusinnerpaamik nalunaartussaatitaapput, tassalu 2021-mi marlunngornermi marsip 9-ani nal. 12.00-imut killeqarluni.

 

Kommunimut qinigassanngortittut partiip qinigassanngortitsisinnaatitaasup qinigassanngortitaatut, kisimiillutik qinigassanngortittutut imaluunniit kattusseqatigiinni kisimiillutik qinigassanngortissinnaasutut qinigassanngortissinnaapput.

 

Kommunalbestyrelsimut qinigassanngortittut qinersinermi siulersuisunut nalunaarutigineqassapput aammalu ilagiit sinniisaannut nunaqarfinnilu aqutsisunut qinigassanngortittut najukkani taasinermi aqutsisumut nalunaarutigineqassapput.

 

Avannaata Kommuniani qinersinermi siulersuisut tassapput:

Palle Jerimiassen, Siumut

Ole Danielsen, Partii Naleraq

Regine N. Bidstrup, Inuit Ataqatigiit

Karl Markussen, Atassut

Jakob Petersen, Siumut

 

Saaffiginnissutissat qinersinissamut tunngassuteqartut aqutsisoqarfiup allattoqarfianut qinersinermi siulersuisut allattoqarfiattut atuuttumut saaffiginnissutigineqarsinnaapput unnga:

 

Avannaata Kommunia

Noah Mølgårdip Aqqutaa 9

Postboks 1023

3952 Ilulissat

E-mail: avannaata@avannaata.gl

  

Apriilip arfernani qinersinermut taasinissaq ullaakkut nal. 9.00 aallartissaaq unnukkullu nal. 20.00 naassalluni.

 

Innutaasut qinersisinnaatitaasut najukkami qinersiviusumi inuit allattorsimaffiannut qinersivissaq sioqqullugu kingusinnerpaamik sapaatip akunnerinik sioqqutsillutik ilanngutereersimasussaapput. Qinersisartut sivikitsuinnarmik Kalaallit Nunaata avataani najugaqarallartut kingullermik inuit allattorsimaffianni nalunaarsimaffigisaminni qinersisinnaatitaapput imaluunniit qinersisussat allattorsimaffiannut ilanngunneqarsinnaapput.

 

Avannaata Kommuniani kommunalbestyrelsimi ilaasortat 17-iupput.

 

Najukkani qinersivissat qinersinermilu aqutsisussat allattorsimaffiat:

 

Illoqarfik/Nunaqarfik

Qinersinermi aqutsisoq

Qinersivissaq

Ilulissat

Arnarulunnguaq Petersen

Sermermiut Kulturhus

Ilimanaq

Jonna Tobiassen

Katersortarfik

Oqaatsut

Bertheline Gabrielsen

Atuarfik

Qeqertaq

Johanne Karan Mølgaard

Katersortarfik

Saqqaq

Karen B. Zeeb

Katersortarfik

Uummannaq

Elisabeth Pj. Skade

Katersortarfik

Ikerasak

Dorthe G. Jerimiassen

Sullissivik

Niaqornat

Ane Marie Møller

Sullissivik

Qaarsut

Anna M. Hansen

Sullissivik

Saattut

Karina Therkildsen

Sullissivik

Ukkusissat

Juliane M. Willumsen

Sullissivik

Upernavik

David Karlsen

Sullissivik

Aappilattoq

Simon Petersen

Katersortarfik

Kangersuatsiaq

Josef Kristiansen

Sullissivik

Kullorsuaq

Martin Olsen

Sullissivik

Innaarsuit

Birgithe Kleemann Kristensen

Sullissivik

Naajaat

Magdaline Olsvig Semionsen

Sullissivik

Nuussuaq

Arnaq Heilmann Jansen

Sullissivik

Tasiusaq

Jens Nielsen

Sullissivik

Nutaarmiut

Rasmus Eliassen

Sullissivik

Ikerasaarsuk

Rasmus Eliassen

Sullissivik Nutaarmiut

Upernavik Kujalleq

Ole Kristensen

Sullissivik

Qaanaaq

Karen Gundel

Sullissivik

Qeqertat

Eqo Uvdloriak'

Ataatsimiittarfik

Savissivik

Meqo S. Hansen

Atuarfik

Siorapaluk

Nukappianngiaq Jerimiassen

Sullissivik

 

Allattoq: Káte Hansen, khan@avannaata.gl