Kommunimut qinersineq
Avannaata Kommuniani kommunimut qinersisoqassaaq ulloq 6. april 2021. Qinersineq pissaaq nal. 09.00-miit nal. 20.00-mut.
Avannaata Kommuniata Kommunalbestyrelsianut ilaasortat 17-it qinerneqassapput.
Kommunimut qinigassanngortittut nalunaarutigineqarnerat
Kommunimut qinigassanngortittut nalunaarutigineqarnerat qinersinermut siulersuisunut tunniunneqassapput kingusinnerpaamik ulloq 23. februar 2021 nal. 12.00.
Qinersinissamut qinigassanngortittoq kisimiilluni qinigassanngortittutut, kisimiillutik qinigassanngortillutik kattusseqatigiittut, imaluunniit partii qinigassanngortitsisinnaasoq sinnerlugu qinigassanngortissinnaapput. Partiit avataanni qinigassanngortittut nalunaarutigineqarneri qinersivimmi qinigassanngortitsisunit ikinnerpaamik qulinit atsiorneqarsimassapput.
Kommunimut qinersinermut qinigassanngortittunik nalunaaruteqarfissaq: Immersugassaq
Kommunimut qinersinermut partiinik nalunaaruteqarfissaq: Immersugassaq
Kommunalbestyrelsimut qinersisinnaatitaaneq qinigaasinnaanerlu
Inatsisartut inatsisaanni nr. 27, 28. november 2016-imeersumi takuneqarsinnaapput makku:
§ 1. Kommunalbestyrelsimut qinersisinnaatitaavoq, taamaattorli tak. § 3, kinaluunniit ullormi
qinersiffiusumi 18-inik ukioqalersimasoq qinersinissaq sioqqullugu sapaatip akunnerini arfinilinni
kommunimi pineqartumi aalajangersimasumik najugaqarsimasoq, aammalu:
1) danskisut innuttaassuseqartoq aammalu qinersinissaq sioqqullugu sivikinnerpaamik qaammatini
arfinilinni Kalaallit Nunaanni aalajangersimasumik najugaqarsimasoq, imaluunniit
2) sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu
sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq.
Imm. 2. Kalaallit Nunaanni aalajangersimasumik najugaqarneq pineqartillugu, tak. imm. 1, nr. 1
aamma nr. 2 Kalaallit Nunaata avataaniikkallartut aammattaaq § 2-mi ilaatinneqarput.
Imm. 3. Kommunalbestyrelsimut ilaasortaq kinaluunniit kommunalbestyrelsimut ilaasortaanerminut
atatillugu nuna tamakkerlugu soqutigisaqaqatigiit kattuffiannut, kommunimi allami
angerlarsimaffeqartumi, piffissaq tamaat siulittaasussatut toqqarneqartoq, kommunimi qimatamini
taasisinnaatitaavoq.
§ 2. Inuit, Kalaallit Nunaata avataanii najugaqarallartut taakkulu inooqatigalugit aapparisaat
imaluunniit inuit aallarnissartik sioqqullugu aappariinnermut assingusumik inooqatigiittut
kommunalbestyrelsimut qinersisinnaanertik atatiinnarsinnaavaat, aalajangersimasumik
najugaqarnissamik piumasaqaat eqqaassanngikkaanni § 1, imm. 1-imi piumasarineqartut
naammassisimagunikkit, aamma
1) ilinniagaqarlutik Kalaallit Nunaata avataaniittut.
2) peqqinnissamut tunngasunik pissuteqarlutik Kalaallit Nunaata avataaniittut.
3) Kalaallit Nunaanni qinigaallutik folketingimi ilaasortatut suliaqarnerminnut atatillugu
Danmarkimiittut.
4) Namminersorlutik Oqartussanut sinniisuullutik Kalaallit Nunaata avataaniittut.
5) Kalaallit Nunaata avataaniittut aammalu Kalaallit Nunaannut attuumassuteqarnikkut 1-4-mi
taaneqartunut sanilliunneqarsinnaasut.
Imm. 2. Inuit imm. 1 naapertorlugu qinersisinnaanerminnik atatitsiinnarusuttut qinersisinnaasut
allassimaffiannut tassunga allagartamut naleqquttumut Naalakkersuisunit atulersinneqartumut
ilanngunneqarnissamik qinnuteqarsinnaapput.
Imm. 3. Taamaattoq inuit imm. 1-imi taaneqartut aatsaat nuunnginnerminni Kalaallit Nunaanni inuit
aqqisa nalunaarsorsimaffianni nalunaarsorsimappata aamma sivikinnerpaamik katillugit ukiuni
marlunni Kalaallit Nunaanni inuit aqqisa nalunaarsorsimaffiini allassimasimagunik
qinersisinnaapput.
§ 3. Inuit namminersorsinnaanermik inatsit naapertorlugu nammineersinnaajunnaarsitaasimasut
qinersisinnaatitaanngillat.
§ 4. Kinaluunniit qinersisussat allassimaffiannut ilanngunneqarsimatinnani
qinersisinnaatitaanngilaq, tak. §§ 22-26.
§ 5. Kommunalbestyrelsimut qinigaasinnaatitaavoq kinaluunniit § 1 imaluunniit § 2 naapertorlugit
tassunga qinersisinnaatitaasoq, pineqartoq ukiut kingulliit tallimat ingerlaneranni inaarutaasumik
eqqartuussinikkut akiliisitsissutissamilluunniit akuersinikkut pinerluttulerinermi inatsisit
tunngavigalugit pineqaatissinneqarsimanngikkuni imaluunniit ukiut kingulliit pingasut
ingerlaneranni pissutsimut nalinginnaasumik isigineqarnermi kommunalbestyrelsimut
ilaasortaanissamut naleqqukkunnaarsitsisumik pinerluttulerinermi inatsisit tunngavigalugit
pineqaatissinneqarsimanngikkuni. Piffissaliussat ullormit qinersivimmiit atuutissapput.
Imm. 2. Taamaattoq kinaluunniit qinigassanngortissinnaavoq pinerluuteqarsimanermigut
pineqaatissinneqarsimanini pissutigalugu qinigaasinnaannginnera pillugu
akerliliisoqaraluarpalluunniit.
Nunaqarfinni aqutsisunut qinersineq
Avannaata Kommuniani nunaqarfinni aqutsisunut qinersisoqassaaq ulloq 6. april 2021. Qinersiviit nal. 09.00 ammarneqassapput nal. 20.00 matuneqarlutik.
Nunaqarfinni aqutsisunut qinigassanngortittut nalunaarutigineqarnerat taaguinermik siulersuisumut tunniunneqassapput kingusinnerpaamik marlunngorneq ulloq 23. marts 2021 nal. 12.00.
Nunaqarfinnut aqutsisunut qinigassanngortittunik nalunaaruteqarfissaq: Immersugassaq
Nunaqarfinni aqutsisunut qinersinissamut partiip qinigassanngortinniakkanik nalunaarutaa: Immersugassaq
Nunaqarfinni aqutsisut katiterneqarnerat ilaasortallu amerlassusaat: Nunaqarfinni aqutsisut 2021-2025
Nunaqarfinni aqutsisunut qinersisinnaatitaaneq qinigaasinnaanerlug
Inatsisartut inatsisaanni nr. 27, 28. november 2016-imeersumi takuneqarsinnaapput makku:
§ 61. Nunaqarfimmi aqutsisunut ataatsimoorussanut qinersisinnaatitaavoq kinaluunniit § 1 malillugu
kommunalbestyrelsimut qinersisinnaatitaanermut piumasarisaasunik eqquutitsisoq, aammalu
qinersinissaq kingusinnerpaamik ullunik 14-inik sioqqullugu nunaqarfimmi aalajangersimasumik
najugaqarsimasoq kiisalu § 2-mi inuit taaneqartut.
Imm. 2. Qinersinissaq ullunik 14-inik sioqqullugu qinersinermik siulersuisut suliarissavaat inuit
ullormi qinersivissami qinersisinnaatitaallutik nunaqarfimmi najugallit allattorsimaffiat.
Imm. 3. Qinersisussat allassimaffiat suliarineqarnermi kinguninngua ulluni marlunni nalinginnaasuni
saqqumitinneqassaaq.
Imm. 4. Inuk qinersisussat allassimaffiannut ilanngunneqarsimasoq qinersisussat allassimaffiata
suliarineqareernerata kingorna nunaqarfiup avataani aalajangersimasumik najugaqalersimasoq
qinersisussat allassimaffiannit peerneqassaaq.
Imm. 5. Kinaluunniit qinersisussat allassimaffiannut ilanngunneqarsimatinnani
qinersisinnaatitaanngilaq.
Imm. 6. Qinersisussat allassimaffii pillugit aalajangersakkat §§ 22 -
26-mi maleruagassat pineqartut
atorneqassapput.
§ 62. Nunaqarfimmi aqutsisunut ataatsimoorussanut qinigaasinnaatitaavoq kinaluunniit § 61, imm. 1,
tak. § 1, naapertorlugu tassunga qinersisinnaatitaasoq, qinersivimmilu kingusinnerpaamik ullut
14-it sioqqullugu aalajangersimasumik najugaqartoq, pineqartoq ukiut kingulliit tallimat
ingerlaneranni inaarutaasumik eqqartuussinikkut akiliisitsissutissamilluunniit akuersinikkut
pinerluttulerinermi inatsisit tunngavigalugit pineqaatissinneqarsimanngikkuni imaluunniit ukiut
kingulliit pingasut ingerlaneranni pissutsimut nalinginnaasumik isigineqarnermi nunaqarfimmi
aqutsisunut ilaasortaanissamut naleqqukkunnaarsitsisumik pinerluttulerinermi inatsisit
tunngavigalugit pineqaatissinneqarsimanngikkuni. Piffissaliussat ullormit qinersivimmiit
atuutissapput.
Imm. 2. Taamaattoq kinaluunniit qinigassanngortissinnaavoq pinerluuteqarsimanermigut
pineqaatissinneqarsimanini pissutigalugu qinigaasinnaannginnera pillugu
akerliliisoqaraluarpalluunniit.
Ilagiit sinniisaannut qinersineq
Ilagiit sinniissaannut qinersinissami qinigassanngortittunik nalunaarsuiffik, sumiiffimmi taaguinermik siulersuisumut tunniunneqareersimassooq kingusinnerpaamik ulloq 9. marts 2021 nal. 12.00.
Ilagiit sinnisaannut ilaasortat qinigaasussat amerlassuseqarput ima:
Ilulissat: 5, Ilimanaq: 3, Oqaatsut: 3, Qeqertaq: 4, Saqqaq: 4.
Uummannaq: 5, Ikerasak: 4, Niaqornat: 3, Qaarsut: 3, Saattut: 3, Ukkusissat: 3.
Upernavik: 5, Aappilattoq: 4, Kangersuatsiaq: 3, Kullorsuaq: 3, Innaarsuit: 3, Naajaat: 3, Nuussuaq: 4, Tasiusaq: 4, Nutaarmiut: 3, Upernavik Kujalleq: 4.
Qaanaaq: 4, Savissivik: 3, Siorapaluk: 3.
Ilagiit sinnisaannut qinigassanngortittut ilagiit sinniisaannut qinersisinnaatitaasunik minnerpaamik tallimanik qinigassanngortitsisoqassapput.
Ilagiit sinniisaannut qinigassanngortittunik nalunaaruteqarfissaq: Immersugassaq
Ilagiit sinniisaannut qinersisinnaatitaaneq qinigaasinnaanerlu
Inatsisartut inatsisaanni nr. 27, 28. november 2016-imeersumi takuneqarsinnaapput makku:
Ataatsimoorussat:
§ 68. Kalaallit Nunaanni Ilagiinnut ilaasortat ilagiit sinniisaannut qinersisinnaatitaapput
kommunalbestyrelsimut qinersisinnaanermut piumasaqaatit naammassisimagunikkit, tak. § 1 imaluunniit
§ 2-mi piumasaqaatit naammassineqarpata.
Imm. 2. Ilagiit sinniisaannut qinersineq kommunalbestyrelsimut qinersineq peqatigalugu pissaaq.
Imm. 3. Kinaluunniit qinersisussat allassimaffiannut ilanngunneqarsimatinnani
qinersisinnaatitaanngilaq.
Imm. 4. Qinersisussat allassimaffii pillugit §§ 22 – 26-mi
malittarisassat ilagiit sinniisaannut qinersinermi
aamma atorneqassapput.
§ 69. Immikkoortoq 3-mi taaneqartut eqqaassanngikkaanni ilagiit sinniisaannut kinaluunniit
qinigaasinnaatitaavoq § 68, imm. 1, tak. § 1, naapertorlugu tassunga qinersisinnaatitaasoq,
qinersivimmilu kingusinnerpaamik sapaatit akunneri arfinillit qinersinissaq sioqqullugu
aalajangersimasumik najugaqartoq, pineqartoq ukiut kingulliit tallimat ingerlaneranni
inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi
inatsit tunngavigalugit pineqaatissinneqarsimanngikkuni imaluunniit ukiut kingulliit pingasut
ingerlaneranni pissutsimut nalinginnaasumik isigineqarnermi ilagiit sinniisaanni ilaasortaanissamut
naleqqukkunnaarsitsisumik pinerluttulerinermi inatsisit tunngavigalugit
pineqaatissinneqarsimanngikkuni. Piffissaliussat ullormit qinersivimmiit atuutissapput.
Imm. 2. Taamaattoq kinaluunniit qinigassanngortissinnaavoq pinerluuteqarsimanermigut
pineqaatissinneqarsimanini pissutigalugu qinigaasinnaannginnera pillugu
akerliliisoqaraluarpalluunniit.
Imm. 3. Inuit Ilageeqarneq pillugu Inatsisartut inatsisaat naapertorlugu atorfitsik tunngavigalugu
ilagiit
sinniisaanni ilaasortaasut tassunga qinigaasinnaanngillat.
Taasiartorfissat aamma taaguinermik siulersuisussat
Avannaata Kommuniani taasiartorfissat aamma taaguinermik siulersuisussat allattorsimaffiat: Allattorsimaffik
Kalaallit nunaanni aalajangersimasumik najugaqartuusimanngikkuit, kisiannili piumasaqaatit naammassisimallugit, taava taasisinnaatitaanerit attatiinnarniarlugu taasisinnaasut allattorsimaffiannut ilanngunneqarnissat qinnutigissavat. Taamatut iliorsinnaavutit immersugassap uuma immersorneratigut, taannalu uunga nassiunneratigut avannaata@avannaata.gl imaluunniit kommunip allaffianut tunniunneratigut.
Qinersineq 2021
Avannaata Kommuniani qinersineq pillugu apeqqutissaqaruit kommunip allaffia saaffigisinnaavat imaluunniit Pisortaqarfiup Allatseqarfia uunga (+299) 70 18 00.