Pinngortitap Sapiitsuliortartui Nukarliit

PI/SPS-ip Kangia Kids aammalu Avannaata Kommuniani UNESCO Guardians suleqatiga-lugit suliniut Pinngortitap Sapiitsuliortartui Nukarliit ingerlassimavaa.

Pinngortitap Sapiitsuli-ortartui Nukarliit 2021-imi sapaatip akunnera 34 ingerlanneqarpoq, suliniummi inunnik isu-maginninnermi perorsaasunngorniat meeqqerivinni meeqqat sammisaqarnissaat isumagi-simavaat.

Suliniummi inunnik isumaginninnermi perorsaasunngorniat 40-t aammalu meeqqerivimmi meeqqat 40-t peqataapput. Sapaatip akunnerata ingerlanerani perorsaasunngorniat pin-nguarneq misileraanerillu atorlugit pinngortitaq pillugu meeqqanik ilinniartitsipput.
Siuner-taavoq meeqqat pinngortitaq pillugu aammalu qanoq pitsaanerusumik paarineqarsinnaa-nera pillugu ilisimasaannik siuarsaanissaq.

Pinngortitap inua
Oqaluttuatoqqani nassuiaatigineqartarpoq pinngortitami pinngoqqaartut inuttuulli anersaa-qarlutillu tarneqartut - aamma taaneqartartoq inua. Suliniummi meeqqat Pinngortitap Sa-piitsuliortartui Nukarliit naapippaat, taakkua tamarmik immikkut inulimmut sinniisuupput.

Meeqqat Pinngortitap Sapiitsuliortartui Nukarliit assut tiguartiffigaat, aammalu PI/SPS-imiit suleqataasut neriuutigaat sapaatip akunnerani sammisaqartitsinerup kinguneranik meeq-qat siunissami pinngortitamik paarsilluartarnissaanik kinguneqarumaartoq.
Sapaatip akun-nera naggaserlugu meeqqat eqqumiitsuliaat angajoqqaanut saqqummiunneqarput, meeq-qat diplominnapput, tassuuna takuneqarsinnaalluni tassaalersut Pinngortitap Sapiitsulior-tartui Nukarliit.

PI/SPS-imiit neriuutigineqarpoq torrallaaneq ilisimatusartunut meeqqanullu nutaanut 2022-imi ingerlanneqaqqissinnaassasoq.

Pinngortitap Sapiitsuliortartui pillugit paasissutissat sukumiinerusut
Uani Pinngortitap Sapiitsuliortartui pillugit paasissutissat sukumiinerusut pissarsiarisinnaa-vatit. Aammattaaq Pinngortitap Sapiitsuliortartui pillugit filmi takuneqarsinnaavoq, ulluinnar-nilu Inui assigiinngitsut qanoq tapersersortarsinnaanerivut takuneqarsinnaalluni.
Aammattaaq ilinniartitsisartuuguit ilinniartitsisunut atuagaq najoqqutassaq downloadtersin-naavat. Atuagaq najoqqutassaq tassaavoq ilinniartitsinermi atortussaq pinngortitaleriner-mut inuiaqatigiilerinermullu sammitinneqartoq, aammattaaq kalaallit meeqqat atuarfiini atu-arneq tamaat atorneqarsinnaasunik faginut arlalinnut tunngasunik najoqqutassaqarpoq.

Pinngortitaq piujuartitsinerlu pillugit ilinniartitsinissami isumassarsiorfigineqarsin-naasut allat:
- Nukap Nunarsuaq Paaraa: Pixiebog ilaqutariinni meerartalinni kalaaliusuni piujuati-tsilluni inuuneq, suliffeqarfinni angerlarsimmavinnilu atorneqarsinnaasoq.