airplanebooksbriefcase business cogs cross election entertainment fish house law lockmedicalpeopleselfservices socialtax

Paasissutissat naliginnaasut 

Averusereernerup kingorna avinneq
Averuseqqareerlutit aatsaat avissinnaavutit.

Averuseqqaarnani avinneq
Immikkut ittut tunngavigalugit averuseqqaanngikkaluarlutit avissinnaavutit.

Ima pisoqartillugu:

  • Ukiuni marlunni kingullerni isumaqatigiinngissuteqarneq pissutigalugu avissaaqqallusi inuusimagussi
  • Aappat allasiorsimappat
  • Aapparisat ilinnut meeqqanulluunniit piaaraluneerluni sakkortuumik persuttaasarsimappat.
  • Aappat allamut katissimappat.

Piumasaqaatit 

Kalaallit Nunaanni Naalagaaffiup Sinniisaata akuersineratigut avissinnaavusi:

  • Avinnissarsi tamatumunngalu atugassaatitat isumaqatigiissutigigussigik

Eqqartuussvik saaffigissavarsi:
  • Arlarsi kisimi avinnissi kissaatigippagu
  • Atugassaatitat isumaqatigiissutigisinnaanngikkussigik.

Averusereerluni avinneq 

Averusersimareernissi kingorna Kalaallit Nunaanni Naalagaaffiup Sinniisaata akuersineratigut avissinnaavusi:

  • Qaammatini arfinilinni (6) averuseqqareerussi
  • Averuseqqanissi nalaani inooqatigeeqqilersimanngikkussi inooqatigiiginnarsimagussiluunniit.
  • Marluullusi avinnissarsi kissaatigigussiuk
  • Avinnermi atugassaatitat isumaqatigiissutigigussigik


Malugiuk
Arlarsi kisimi avikkusussappat ukioq ilivitsoq aatsaat averuseqqareerlusi avissinnaavusi.

Averuseqqaarani avinneq 

Immikkut ittunik pisoqaraangat averuseqqaarasi avissinnaavusi.

Ukiut marluk avissaaqqalluni inooreernerup kingorna avinneq
Aaqqiagiinngissutit pissutigalugit aappallu ukiut marluk kingulliit inooqatigiissimanngikkussi avissinnaavutit.

Allassiorneq pissutigalugu avinneq
Aappat allassiorsimaguni avissinnaavutit.

Allassiorsimaneq pissutigalugu Kalaallit Nunaanni Naalagaaffiup Sinniisaata akuersineratigut avissinnaavutit:

  • Aappavit allasiorsimanera akuerisimanngikkukku
  • Allasiorsimaneq ukiut marluk kingulliit ingerlanerani pisimappat
  • Aappat allasiorsimasoq paasigukku qaammatit arfinillit (6) qaangiutsinnagit avikkumallutit qinnuteqaruit.
  • Marluullusi avikkumallusi kissaatigigussiuk
  • Avinnissamut atugassaatitat isumaqatigiissutigigussigik.

Aappavit inuk sammisagaa imaluunniit sammisarsimasaa nalunaaruteqartinneqassaaq uppernarsaalluni atsiortinneragut, taannalu qinnuteqaatissiamut ilanngunneqassaaq.

Persuttaaneq peqqutigalugu avinneq
Aappat angerlarsimaffissinni ilinnut meeqqanulluunniit peqqarniitsumik persuttaasarsimappat avissinnaavutit.

Peqqarniitsuliorneq peqqutigalugu Kalaallit Nunaanni Naalagaaffiup Sinniisaata akuersineratigut avissinnaavutit:
  • peqqarniitsuliorneq ilinnit ilisimaneqarfigilernerata kingorna ukioq ilivitsoq qaangiutsinnagu avikkumallutit qinnuteqaateqaruit (soorlu meeqqat peqqarniitsuliorfigineqarsimappata)
  • Peqqarniitsuliornerup kingorna ukiut pingasut qaangiutsinnagit avikkumallutit qinnuteqaateqaruit.
  • Peqqarniitsuliorneq uppernarsaatissaqartikkukku, soorlu politiinit imaluunniit nakorsamit.
  • Marluullusi avikkumallusi kissaatigigussiuk
  • Avinnermi atugassaatitat isumaqatigiissutigigussigit.


Arlalinnik aappaqarneq pissutigalugu avinneq
Paasigukku aappat allamut katissimasoq avissinnaavutit.

Akigititat 

Nalinginnaasumik akigititaqanngilaq.

Qinnuteqarneq 

Kalaallit Nunaanni Naalagaaffiup Sinniisaani avikkumallutit kissaateqaruit qinnuteqaatissiat matuma kinguliiniittut atussavatit. Aamma Kalaallit Nunaanni Naalagaaffiup Sinniisaanut imaluunniit Nuummi najugaqanngikkuit politiinut aallersinnaavutit.

Qinnuteqaatit Kalaallit Nunaanni Naalagaaffiup Sinniisaanut nassiutissavat. Aamma tassunga tunniukkiartorsinnaavat imaluunniit Nuummi najugaqanngikkuit politiinut.

Averuseqqaarluni avinneq
Averuseqqareerlusi avikkumallusi qinnuteqarniarussi qinnuteqaatissiaq immersussavarsi.
Una toorlugu ”Averusernermi atugassarititaasut atugassaralugit avinnissamut qinnuteqaat” aajuk

Averuseqqaarani avinneq
Averuseqqaarnak avikkumallutik qinnuteqaateqarniaruit qinnuteqaatissiaq immersugassaq immersussavat.
Una toorlugu ”Averusernissamut/avinnissamut qinnuteqaat” aajuk

Suliamut ingerlatseriaaseq 

Naalagaaffiup Sinniisaata avinnissamik kissaat akuersisinnaavaa, eqqartuussutikkulluunniit aalajangerneqarsinnaalluni.

Averuseqqareerluni avinneq
Avinnissami atugassaatitat isumaqatigiissutigisinnaanngikkussigit, imaluunniit arlarsi kisimi avikkusuppat Kalaallit Nunaanni Naalagaaffiup Sinniisaata akuersineratigut avissinnaanngilasi. Tamatumunnga taarsiullugu eqqartuussivimmut saaffiginnissaasi.

Avikkumallusi isumaqatigiikkussi patsisissaqaraangat atugassaatitat pillugit isumaqatigiinniarnissamut aggersarneqassaasi.

Averuseqqaarani avinneq
Avinnermi atugassaatitat isumaqatigiissutigisinnaanngikkusigik, imaluunniit aappavit avinnissi kissaatiginngippagu Kalaallit Nunaanni Naalagaaffiup Sinniisaata akuersineratigut avissinnaanngilatit. Tamatumunnga taarsiullugu eqqartuussivimmut saaffiginnissaatit.

Kisianni avikkumallusi isumaqatigiikkussi, atugassaatitassat isumaqatigiinniutigineqarnissaannut aggersarneqassaasi.

Allannguutit 

Avinneq peqqissimissutigineqarsinnaanngilaq. Taamaattorli qinnuteqaat suliarineqarluni inaarneqannginnerani taamaatiinnarsinnaavat.

Piffissaliussat 

Qulequttami ”Averuseqqaarani avinneq”-mi taaneqarput peqqarniitsuliorneq allasiorsimanerlu tunngavigalugit avinnissamik qinnuteqaateqarnissami piffissaliussat.

Maalaaruteqarneq 

Naalagaaffiup Sinniisoqarfiata avinnissamik qinnuuteqaatit pillugit aalajangigai Social- og Ældreministeriaqarfimmut maalaarutigineqarsinnaavatit.

Aamma atuarsinnaasatit

Avannaata Kommunia
Postbox 1023
3952 Ilulissat

Oqarasuaat: (+299) 70 18 00
Fax: (+299) 70 11 77
E-mail: avannaata@avannaata.gl
Nittartagaq: www.avannaata.gl

Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk

Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl