Ilinniakkat tapiiffigineqarnissamut immikkut piumasaqaatitaqartut tassaapput ilinniakkat ilinniarusukkukku tapiiffigineqarnissamut qinnuteqarfigisinnaasatit immikkut piumasaqaatitaqartut.
Immikkut tapiiffigineqarsinnaavutit ilinniakkanut immikkut piumasaqaatitaqartunut, taakkunani ilinniarninni immikkut aningaartuuteqartartussaagavit.
Taamaattumik aalajangersimasuni ilinniakkani ilinniarneqarsinnaasutut Namminersorlutik Oqartussat akuerisaanni ilinniarniarlutit ilinniagaqarnersiuteqarnissannut qinnuteqarsinnaavutit.
Danmarkimi immikkut ittunik atugassaqartitaallutit inuussutissarsiummik ilinniagaqarsinnaavutit.
Immikkut ittunik atugassaqartitaalluni ilinniakkat immikkut ittunik atugassaqartitaallutit qinnuteqarfigisinnaavatit.
Taakkununnga ilinniakkanut ilinniagaqarnersiutinik immikkut tapiiffigineqarsinnaavutit, ilinniakkap ingerlannerani immikkut aningaasartuuteqartartussaanerit pissutigalugu.
Inuussutissarsiutinik ilinniakkat uku qinnuteqarfigisinnaavatit:
- Atisanik ilusilersuisartoq
Kalaallit Nunaata avataani ilinniarnermut ilinniagaqarnersiuteqarnissamut piumasaqaataapput:
Danskit naalagaaffianni innuttaassuseqarnissaq,
Qinnuteqarninni sivikinnerpaamik ukiuni tallimani Kalaallit Nunaanni aalajangersimasumik najugaqarsimanissaq
Ilinniakkamut akuerisamut tigusaasimanissaq
Danskit ilinniagaqarnersiutaannik pisinnaanngikkuit, Danmarkimi ilinniakkannut kalaallit ilinniagaqarnersiutaannik qinnuteqarsinnaavutit.
Danmarkimi kalaallit ilinniagaqarnersiutaannik qinnuteqarnissaq nalinginnaasumik pisariaqartanngilaq, danskit ilinniarfiini amerlanerusuni danskit ilinniagaqarnersiutaannik ilinniagaqarnersiuteqarsinnaagavit.
Taamaattorli Danmarkimi ilinniakkat ilaannut kalaallit ilinniagaqarnersiutaannik qinnuteqarnissaq pitsaasuusinnaavoq.
Ukununnga atuuppoq:
Immikkut ittunik atugassaqartitaalluni ilinniakkat - immikkoortumi 'immikkut ittunik atugassaqartitaalluni ilinniakkat' annertunerusumik takukkit
Inuusuttut 20-t inorlugit ukiullit ilinniarnertuunngorniarfinni ilinniartut, inuussutissarsiutinik ilinniartut imaluunniit ilinniarnertuunngorniarfinni ilassutitut ilinniartut
Kalaallit Nunaanni najugaqarani Kalaallit Nunaata avataani ilinniakkanut ilinniagaqarnersiuteqarnissamut piumasaqaataapput:
Danskit naalagaaffianni innuttaassuseqarnissaq.
Kalaallit Nunaanni ikinnerpaamik ukiuni qulini najugaqarsimanissaq aamma 18-ileersimasuni ukiuni amerlanerpaanik pingasuni avataani najugaqarsimanissaq.
Ilinniakkamut akuerisamut tigusaasimanissaq.
Ilinniagaqarneq imaluunniit isumagineqarneq pissutigalugit Kalaallit Nunaata avataaniinneq Kalaallit Nunaata avataani najugaqarnertut naatsorsuutigineqanngilaq.
Akiliilluni ilinniakkat
Nalinginnaasumik ilinniarfinnut namminersortunut allanullu pisortatigoortumik akuerineqarsimanngitsunut ilinniagaqarnersiuteqarsinnaanngilatit imaluunniit ilinniartitaanermut aningaasartuutinut tapiiffigineqarsinnaanngilatit.
Akiliilluni ilinniakkamik atuarusukkuit pisortanilu oqartussanit akuerineqanngippata, immikkut akuerineqarnissannut qinnuteqarsinnaavutit.
Nunani allani (Danmarkip aamma Kalaallit Nunaata avataani) ilinniagaqarnermut ilinniagaqarnersiuteqarnissamut piumasaqaataapput:
danskit naalagaaffianni innuttaassuseqarnissaq aamma
ilinniakkamut pisortatigut akuerineqarsimasumut tigusaasimanissaq ilinniakkamillu ingerlataqarnissaq
Aamma:
Piffissami qinnuteqarfimmi Kalaallit Nunaanni najugaqaruit aamma kingumut ukiuni tallimani najugaqarsimaguit,
imaluunniit Kalaallit Nunaanni ukiuni ikinnerpaamik qulini najugaqarsimaguit aamma 18-ileereernerup kingorna Kalaallit Nunaata avataani ukiuni amerlanerpaamik pingasuni najugaqarsimaguit.
Inuussutissarsiutinut ilinniarfinnut immikkut ittunik atugassaqarlutit qinnuteqarniaruit quppernerup matuma qulaani toortagaq sungaartoq "Maana qinnuteqarit" aqqutigalugu nammineerlutit onlinekkut qinnuteqassaatit. Imminut sullinniaruit/web atorniarukku nammineq NemID-nnut isissaatit.
Qinnuteqaatinnut makku ilaasapput:
- Ilinniagaqarnissamut akuerisaaneq pillugu allakkat
- Immikkut ittunik ikiorsiissutit pillugit qinnuteqaat (immersuiffissaq)
Toortakkap sungaartup "Maana qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit
Malugiuk:
NemID atorlugu qarasaasiamut isersinnaaguit qinnuteqaatigisat qarasaasiaq atorlugu taamaallaat nassiussinnaavat.
Inuussutissarsiutinik ilinniakkanut ilinniartitaanermut akitsuutinik tapiisoqarneq ajorpoq.
Inuussutissarsiutinut ilinniakkanut immikkut ittunik atugassaqartitaallutit qinnuteqarniaruit qinnuteqarfissaq immersussavat.
"Maanna qinnuteqarit" sungaartoq toorneratigut:
- "Immersoruk anisillugulu" toorsinnaavat, immersugassaq onlinekkut immersornissaa anisinnissaalu kissaatigigukku (NemID piumasaqaataanngilaq)
- "Anisiguk" toqqarsinnaavat, immersugassaq anisillugu kuglepennimik immersoriarlugu tunniunniarukku (NemIDeqartariaqanngilatit).
Immersugassaq immersornikoq ilinniarfissannut tunniutissavat, ilinniarfissat illoqarfimmi allamiippat immersugassaq immersornikoq Kalaallit Illuutaannut tunniussinnaavat.
Qinnuteqaatinnut makku ilaasapput:
- Ilinniagaqarnissamut akuerisaaneq pillugu allakkat
- Immikkut ittunik ikiorsiissutit pillugit qinnuteqaat (immersuiffissaq)
Danmarkimi immikkut ittunik atugassaqartitaallutit ilinniagaqarnersiutinik qinnuteqarniaruit taava Danmarkimi Kalaallit Iluutaannut saaffiginnissaatit.
Kalaallit Nunaata aamma Danmarkip avataanni inuussutissarsiummik ilinniarniarlutit qinnuteqarniaruit taava Københavnimi Kalaallit Illuutaannut saaffiginnissaatit.
Qinnuteqaativit tigusimaneranut tunngatillugu uppernarsaammik mailikkut tigusaqarumaarputit.
Qinnuteqaatinnik suliarinninneq ullut suliffiusartut 10-t missaannik sivisussuseqassaaq.
Qinnuteqaatigisat akuerineqarsimanersoq itigartitsinneqarsimanersorluunniit maili nassiussat aqqutigalugu akineqarumaarputit.
Suliassamik suliarinninnermut sunniuteqarsinnaasunik allannguisoqarpat ilinniakkannik siunnersortivit attaveqarfiginissaa pingaaruteqarpoq.
Ilinniakkat qinnuteqarfigisatit qinnuteqarfigineqarnissaannut piffissaliussamik killeqarsinnaanerat eqqumaffigissavatit.
Ukioq kaajallallugu ilinniagaqarnersiutinik qinnuteqartoqarsinnaavoq, kisianni suliassamik suliarinninneq eqqarsaatigalugu taava Kalaallit Illuutaanni ilinniagaqarnersiutinik qinnuteqaat kingusinnerpaamik 1. martsimi tigorusunneqartarpoq.
Qinnuteqaatinnut nassiussannut atatillugu ilinniarfeqarfiup aalajangigaa pillugu naammagittaalliuteqarsinnaatitaavutit. Naammagittaalliuteqarniaruit ilinnut aalajangiinerup kingorna sapaatit akunneri arfinillit qaangiutsinnagit naammagittaalliuutit mailikkut IKIIN@nanoq.gl nassiutissavat
Naammagittaalliuutinni ima iliussaatit:
- Aalajangiinermut sooq naammagittaalliuuteqarusunninnut nassuiaat allassavat
- Allagaatit attuumassutillit ilanngutissavatit