Qimminut qimuttussanut qimmilivik – Naammagittaalliuuteqarneq

Qimmilivik qimmeqarfinni tassaavoq, qimminik qimuttussanik inissiisarfik, tassa qimmit qimunnginnerini. Qimmiliveqarnermi malitassanik malittarisassarpaaloqarpoq. Malinneqanngippata naammagittaalliorsinnaavutit. Naammagittaal­liuutigisinnaasatit makkuusin­naallutik:

• Qimminik pitunneqanngitsoqarpat
• Qimmit nipiliorpallaarpata
• Qimminik paarinerluisoqarpat
• Qimmilivik aserfallatsaalineqanngippat/paarinerlugaappat

Paasissutissat
Oqaasiinnartigut allakkatigulluunniit naammagittaalliuuteqarsinnaavutit. Allakkatigut naammagittaalliuteqarniaru­it, kommuninni immersugassaq immersorsinnaavat imaluunniit nammineq naammagittaalliuuteqarlutit allagaqarlutit. Illit kommuninnut naammagittaal­liuutit nassiutissavat tunniulluguluunniit.

Naammagittaalliuutit/maalaarutit sapinngisamik piaartumik suliarineqassaaq, kingusinnerpaamillu ullut 14-it qaangiutsinnagit. Oqaasiinnartigut allakkatigulluunniit akineqas­saatit.

Malugiuk
Pinartumik pisoqartillugu, soorlu qimminik paarinerluisoqartillugu kaatsitsisoqartilluguluunniit, imaluunniit inunnik upannittoqarsimatillugu, suliaq kommunimi sulisumit uuma­sut nakorsaat peqatigalugu nalilersuisoqartarpoq. Suliallu taama ingerlatillugit politiit akulerutsinneqarsinnaasarlutik.

• Qimminut qimuttussanut qimmilivik – Qinnuteqarneq
• Qimminut qimuttussanut qimmilivik – Nalinginnaasumik paasissutissiineq
• Qimminik qimuttuuteqarneq