airplanebooksbriefcase business cogs cross election entertainment fish house law lockmedicalpeopleselfservices socialtax

Tunisassiorfinnut tapiissutinik qinnuteqariat

Paasissutissat nalinginnaasut 

Nunaqarfimmi imaluunniit isorliunerusumi tunisassiorfeqarlutit inuussutissarsiornermik ingerlataqartutut Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut tapiissutinik qinnuteqarsinnaavutit.

Piffissami sivisunerusumi aningaasaqarnikkut sinneqartooruteqalernissaq aammalu najukkami sumiiffimmi suliffissaqartitsiniarnermi ineriartortitsinermut pitsaasumik tapersiinissaq siunertaralugit tunisassiorfimmut tapiissutinik qinnuteqarsinnaavutit.

Allaffissornikkut aqutsinermut ilitsersuut aaniarlugu una tooruk

 

Piumasaqaatit 

Ingerlatseqatigiiffiit tapiissutinik qinnuteqartoq, piumasaqaatinik makkuninnga naammassinnissimassaaq:

  • Ingerlatseqatigiiffik Kalaallit Nunaanni angerlarsimaffeqassaaq
  • Ingerlatseqatigiiffiup pisuussutini tamakkiisumik atorsinnaassavai, taamaalillunilu akiliisarnerminik unitsitsisimassanani, akiliisinnaajunnaarsimassanani imaluunniit tamatumunnga sanilliunneqarsinnaasumik inissisimalersimassanani.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmit neriorsuut tapiissutit pillugit suliffeqarfiutinnut atugassarititaasunik nalinginnaasunik piumasaqaatinillu arlalinnik imaqassaaq, ilanngullugit:

  • Suliniutip siumut ingerlanera pillugu nalunaarusiortarneq
  • Suliffeqarfiup piffissamut isumaqatigiissuteqarfiusumut ukiumoortumik naatsorsuutinik nassiusarneq
  • Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup qinnuteqaat aamma/imaluunniit kiffartuussinissamut isumaqatigiissut pillugu saaffiginnissutaannut akissuteqarneq
  • Neriorsuummi tapiissutit pillugit aalajangersakkanik allannguinernut atugassarititaasut
  • Suliffeqarfik akiliisinnaajunnaassappat assigisaanilluunniit, neriorsuummi tapiissutit pillugit sumiginnarneqarneranut atugassarititaasoq

 

Akigititat 

Aningaasartuutinut uppernarsaatitaqartunut Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup akuereriigaannut tapersiivigineqarnissamik qinnuteqarsinnaavutit. Isumaqatigiissummut atugassarititaasut aammalu Aningaasanut inatsimmi aningaasaliissutit tamarmiusut 2,2 mio. koruuninik annertussuseqartut saniatigut aningaasartuutinut matussusiisitsisinnaanngilatit.

Tunisassiorfinnut tapiissutinik qinnuteqarneq akeqanngilaq.

 

Qinnuteqarneq 

 Qinnuteqaatit mailikkut imaluunniit allakkatigut nassiutissavat aammalu qinnuteqarnermi immersugassaq immersoriigaq ilanngussallu ilanngunneqartut ilanngutissallugit, paasissutissat makkua ilaassallutik:

  • Qinnuteqarnermut immersugassaq
  • Ingerlatsinermut pilersaarut
  • Naatsorsuutit akuerineqareersut kingulliit
  • 100.000 koruunit sinnerlugit qinnuteqaatinut ingerlatsinermut missingersuutit.

Qinnuteqarnermi immersugassaq aaniarlugu una tooruk

 

Suliamut ingerlatseriaaseq 

Qinnuteqarnermi immersugassaq immersoriigaq ilanngussat attuumassuteqartut ilanngullugit Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmut nassiutissavat.

  • Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup qinnuteqaatit eqqortumik immersoriigaq tiguppagu, piffissamut killigititaasoq naappat, suliassaq ilinnut tunngasoq suliarineqassaaq.
  • Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik qinnuteqartumit imaluunniit allaniit paasissutissanik tapiliussassanik piniarnissamut imminut pisussaatippoq. Paasissutissat taamaattut qinnuteqaatip ataatsimoortumik suliarineqarnerani ilaatinneqassapput.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup suliassamik suliarinninneq ingerlatissavaa aammalu tunniussinissamut tunngavissarititaasut tunngavigalugit qinnuteqaatit pointilersussallugu.

Tunniussinissamut tunngavissarititaasut tassaapput:

  • Qinnuteqartup teknikkikkut, suliatigut aningaasaqarnikkullu pisinnaassusaa (piviusorsiornera)
  • Tunisassiorfimmi suliaqarnerup annertussusaa (suliaqarneq)
    Qinnuteqaatit naammattumik annertussusilimmik tunniussinissamut tunngavissarititaasunik naammassinnittoq naliliisoqarpat, aammalu aningaasanut inatsimmi kontumi aningaasaliissuteqarpat, tapiiffigineqassaatit.

 

Piffissaliussat 

Ukiumut nalinginnaasumik qinnuteqarnissamut killigititat marluupput, aammalu qinnuteqartitsinerni tamaginni taakkunani qinnuteqarsinnaavutit:

  • 1. oktobari
  • 1. decembari

Qinnuteqaatinut piffissaq suliarinniffiusoq qaammatip ataatsip missaanni sivisussuseqassaaq. Tassunga ilanngutissaaq suliniutit anginerusut pillugit qinnuteqaatinut politikkikkut akuersissuteqartarnerup ingerlasarnera. Tamatuma saniatigut qinnuteqartoq Naalakkersuisoqarfimmiit apeqqutit akissuteqarfiginissaannut piffissamik atuisussaavoq kiisalu uppernarsaatinik amigaatigineqartunik nassiussisussaalluni.

Qinnuteqartitsinerup aappaani tapiissuteqarnissamut aningaasassaqarnissaa qularnaarneqanngilaq. Taamaassimappat, qinnuteqartitsinermi siullermi suliassanik suliarinninneq naammassereerpat, Naalakkersuisoqarfiup tamanna sullisivik.gl-imi ilisimatitsissutigissavaa.

 

Maalaaruteqarneq 

Tunisassiorfimmut tapiissutinik qinnuteqaammut nassiussannut atatillugu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup aalajangiinerata maalaarutiginissaanut pisinnaatitaaffeqarputit.

Maalaarummik nassiussissaguit maalaarutit mail pan@nanoq.gl aqqutigalugu nassiutissavat.

Maalaarutinni aalajangiineq pillugu maalaaruteqarninnut tunngavilersuut allassavat.

 

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Postboks 161
3900 Nuuk

E-mail: pan@nanoq.gl
Oqarasuaat: (+299) 34 50 00
Nittartagaq: www.naalakkersuisut.gl