airplanebooksbriefcase business cogs cross election entertainment fish house law lockmedicalpeopleselfservices socialtax

Inuussutissat nioqqutaajunnaarsillugit peerneri

Paasissutissat nalinginnaasut 

Pisiniarfiuteqaruit inuussutissanillu utertitsinermut tunngasunik pilersuisunnit ilimatitsissummik pisimallutit, taava inuussutissat kukkunillit tamaasa nioqqutaajunnaarsillugit peernissai isumagissavat.

Utertitsineq aallartinneqassaaq inuussutissap utertittariaqarnera ingerlaannaq paasigukku.

Imaaliussaatit:

  • Inuussutissat kukkunillit tamarmik nioqqutaasunit peerneqassapput uninngasuutillu tuniniarneqaratik, taamaalillutik nioqqutissat pilersuisumut utertinneqanngikkunik pilersuisoq imaluunniit Inuussutissanik Aqutsisoqarfik isumaqatigereerlugit inginneqassallutik.
  • Inuussutissat kukkunillit piniarneqartut tamaasa suli nassiunneqanngitsut tunniunnagit – internet-ikkut pisiniarfiuteqaruit.
  • Isumagalugu nioqqutissap ajoqutillip internet-ikkut pisiniarfimmit inniminnerneqarsinnaanera unitsillugu.
  • Nioqqutissanik inuussutissanik nassiussat tullii ajoquteqarnersut maluginiakkit. Immaqa nassiussat tamaasa unitsinneqarsinnaasimanngillat uterteqqusineq pilermat.
  • Atuisut ilisimatissavatit inuussutissap utertinnera pillugu.

 

Nammineq nakkutilliininnut ilisimatitsissut 

Utertitsinermut atatillugu qanoq iliorsimanerit uppernarsaasersorsinnaasariaqarpat; assersuutigalugu suliffeqarfiup nammineq nakkutilliineratigut.

Nammineq nakkutilliinissannut atungassannik nioqqutissap utertinneranut paasissutissat makkunannga ilaqassapput:
Nioqqutip atia, lot-/batch-nummer, ulloq nioqqutissiorfik, ulloq qaangiuffissat, suliffeqarfik nioqqutissiortoq, avammut tuniniaasoq, EAN-nummer, poortuutissaq ilanngunnagu oqimaassusaa kiisalu nioqqutissap assinga ajornanngippat.

  • Nioqqutip sumi tuniniarneqarsimanera (suliffeqarfiit pisisartut aqqi najugaalu)
  • Utertitsinermut suna pissutaava?
  • Nioqqutissap aarlerinaataa?
  • Nioqqutissamik utertitseqqusisup suliffeqarfiup aqqa najugaalu?
  • Suliffeqarfik utertitsinermut atatillugu suliniutit suut aallartippai?
  • Pisisartut nioqqummik pisereertut qanoq ilisimatitsivigaagit? (pisiniarfimmi allagartarsuaq, nittartakkami ilisimatitsineq aamma / imaluunniit tusagassiutitigut nalunaarutikkut allagaqarlutit?)
  • Utertitsinermut uppernarsaatit katersorpigit, assersuutigalugu:
    • E-mail/fax assilineri tigusisussanut pilersuisunullu nassiunneri
    • Inuussutissanut Aqutsisoqarfimmut nalunaaruteqarnerup assilinera kiisalu nassiunneqarsimaneranut uppernarsaat
    • Tusagassiutitigut nalunaarutip assilinera kiisalu nassiunneqarsimaneranut uppernarsaat
    • Oqarasuaatikkut oqaloqatiginnissimanernut allakkiaq – kina, suna pillugu qangalu oqaloqatiginnissimanerit
    • Niuernermik suleqatit utertitsinermut utimut nalunaarutaat
    • E-mail/fax tigusat uterteqqusinermut tunngasut
    • Nioqqutit aserortikkat utertinneqartulluunniit pillugit akiligassiissutip assilinera
    • Utertitsineq pillugu nammineq nakkutilliinermit nalunaarsukkat.

 

Utertitsinermut uppernarsaat 

Suliffeqarfiit inuussutissamik utertitsinermut attuumassutillit tamarmik utertitsinermik ingerlatsinermi UNIO-mut uppernarsaasariaqarput, aamma utertitsinerup naammaginartutut ingerlanneqarsimanera ilanngullugu.

Uppernarsaasersuinermut assersuutit:

  • E-mail/fax assilineri tigusisussanut pilersuisunullu nassiunneri
  • Ilisimatitsissutip assilinera Inuussutissanut Aqutsisoqarfimmut kiisalu uppernarsaatip nassiunneqarsimaneranut uppernarsaatip assilinera
  • Oqarasuaatikkut oqaluunnerit pillugit allakkiaq – kina oqaluussimanerlugu, suna pillugu qangalu
  • Niuernermik suleqatit utertitsinermut utimut nalunaarutaat
  • E-mail/fax tigusat uterteqqusinermut tunngasut
  • Utertitsineq pillugu nammineq nakkutilliinermit nalunaarsukkat
  • Nioqqutit aserortikkat utertinneqartulluunniit pillugit akiligassiissutip assilinera
  • Nakkutilliisup nalilersuereernikkut akiligassiissutit uninngasuutillu assilineri takorusussinnaasarpai, naak nunat allat taamaallaat Danmark utertitsinermi peqataanngikkaluartut.

Una toorlugu nioqqutissanik utertitsinermi skabeloni aajuk

Suliamik ingerlatseriaaseq 

Nioqqut atuisumut anngutereersimappat atuisunut qanoq ilisimatitsissanerlutit isumaliutigissavat. Tamanna pisinnaavoq pisiniarfimmi allagartarsualiinikkut, nittartakkami ilisimatitsissuteqarnikkut imaluunniit tusagassiutitigut nalunaaruteqarnikkut. Suut naammannersut nalornissutigilerukku Uumasut Nakorsaqarfik Inuussutissalerinermullu Oqartussaaffik (UNIO) attavigiinnarsinnaavat.

Pisiniarfimmi allagartarsualiisarneq pillugu
Nioqqutissaq pisiniarfinnit tunisimagukku pisiniarfimmi allagartaliisinnaavutit pisisartut ilisimatillugit nioqqutissap utertinneranut tunngasumik.

Allagartaliussaq ersarissumut inissinneqassaaq tamanit takuneqarsinnaanngorlugu. Allagartaliussami allaqqassaaq inuussutissaq sorleq utertinneqarnersoq soorlu utertinniarneqarnersoq.

Utertitsineq pillugu aamma nittartakkakkut ilisimatitsisinnaavutit.

Isumaliutigissavat tamanut amerlanerusunut utertitsineq pillugu ilisimatitsissanerlutit
Inuussutissaq utertinneqartoq pillugu paasissutissanik attuumassuteqartunik tunngasunik tusagassiutitigut nalunaaruteqartoqassanersoq isumaliutigisinnaavat.

Qaqugu naammassissavit?
Utertitsineq naammassissavat inuussutissap pisiniarfinnit tuniniarneqarnerata unitsinnera qulakkeerukku, atuisut pisisimasut ilisimatikkukkit kiisalu tassunga uppernarsaasersuiguit.

UNIO-p misissuinermi immersugassaataa 

UNIO misissuinermi immersugassaliornikuuvoq utertitsinermut atatillugu atugassannik.

Utertitsinermut immersugassami nioqqutissanik utertitsigaangavit qanoq iliussanerlutit takusinnaavat. Pisariaqartitsinerit naapertorlugu immikkoortut ilasinnaavatit ikilisillugilluunniit.

Immersugassaq:

  • Nioqqutit tamarmik tuniniaavimmit peerneqarpat?
  • Nioqqutit tamarmik uninngasuusivimmit peerneqarpat imaluunniit asserneqarpat?
  • Utertitsineq pillugu pisiniarfimmi allagartaliivit?
  • Utertitsineq pillugu internet-ikkut pisisartut/ suliffinnit pisisartut ilisimatippigit?
  • Utertitsineq pillugu nittartagaqaruit tassunga ilisimatitsissutit saqqummiuppigit?
  • Utertitsineq pillugu pilersuisut ilisimatippiuk?
  • Utertitsineq pillugu UNIO ilisimatippiuk?

 

Uumasut Nakorsaqarfia Inuussutissalerinermullu Oqartussaqarfik (VFMG)
Postboks 269
Aqqusinersuaq 31, 2. tv.
3900 Nuuk

Oqarasuaat: (+299) 34 50 00
E-mail: uumasut@nanoq.gl

Kalaallit Nunaanni Uumasut Nakorsaqarfik Inuussutissalerinermullu Oqartussaaffimmut saaffiginninnerit qineutigineqarpoq tamakkerlutik siullermik nassiunneqassasut uunga uumasut@nanoq.gl