airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip pilersaarutaa nr. 58, Ilulissani inissiaqarfik E06 pillugu Pisortatigoortumik nalunaarut. „Mittarfik nutaaq,“ Ilulissat

10. april 2018

Atuuffinnik pisariaqartunik tamanik peqartumik Mittarfissuarmut ingerlalluartumut, Ilulissani mittarfimmi atortulersuutit inerisaaffiginissaannut sinaakkutit qularnaarnissaat Kommunalbestyrelsip kissaatigaa, taamaaliornikkut Ilulissat ineriartortinneqarsinnaammat Kalaallit Nunaanni uummaarissumik ineriartorfiup qitiatut aamma takornariat ornittagaattut.  Taamaattumik mittarfimmut pingaarnertut aalajangersakkat, kommunalbestyrelsimit inaarutaasumik maannakkut akuersissutigineqarput.

Kommunip pilersaarutaata tapiata siunertaa:
Kommunip pilersaarutaanut tapiliussap pingaarnertut aalajangersakkat nutaat aalajangersaaffigai, mittarfiup tallilerneqarnissaanut sinaakkutit aamma mittarfittaata 2200 meter-imut tallineqarnissaa qularnaarumallugit. Taama iliornikkut aamma mittarfimmi illorsuit nutaat sanaartorneqarnissaannut sinaakkutit kiisalu mittarfimmi attaveqaatinut tunngasut naleqqussaaffigineqarnissaat qulakkeerneqarput, taamaalilluni aqqusineq piusoq tallineqarsinnaassaaq allanngortiterneqarlunilu.

Kommunip pilersaarutaanut tapiliussaq sapaatit akunnerini arfineq-pingasuni tamanut tusarniutigineqarnikuuvoq, tamatuma ingerlanerani innuttaasut, suliffeqarfiit il.il. akerliliissutinik, oqaaseqaatinik allannguutissatullu siunnersuutinik saqqummiussisinnaasimapput.

KPT58.pdf