airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissat eqqaanni qassutinik aalisarnermik unitsitineq

17. januar 2019

Ukioq nutaaq ississimavoq, agguaqatigiissillugulu issisiut minus 20 grader celcius ataallugit ississimalluni. Tamanna, pissutsit ukiut qulit kingulliit kingumut qiviaraanni nalinginnaasuunngilaq. Immap kissassusaata qaffasissimanerata kingunerisimavaa, Ilulissat eqqaanni sikuusarsimannginnera.

Kisianni pissutsit ukioq manna allaapput, imaq sikunialersimavoq, aammalu taamaalilluni, ukiup aallartilaarnerani qangatut sikuunissaa ilimanarsilluni.

 

Kommunimut arlalitsigut piniutaarsiutaasut pillugit saaffiginnissuteqartoqartarsimavoq, tamakkua Ilulissat Kangerluata paavani, kiisalu Ilulissat avannaatungaani Torsukattammi aalisartunut ajoqutaasarput. Aalisartut pingaarnertut qassutinit annaaneqarsimasunit akornusersorneqartarput. Immap sikuata piniutaarsiutaasunik qalluinissaq ajornartippa, angallatit mikinerusut siku issusooq akiorsinnaanngimmassuk. Qassutikut aalisarnermi annaaneqarsimasut qallornissaat ajornakusoorpoq, ningittakkalli passukkuminarnerullutik.

 

Kommunep qaleralinnik qassutinik aalisarneq kommunip ileqqoreqqusaa aqqutigalugu maleruagssiuuttarpaa. Ileeqoreqqusami kommuni pisinnaatitaavoq qassuserluni aalisarnermik unitsitissalluni, tamanna sikumit ajoarnakusuulersinneqarsimappat. Taamaattoq Kommune aalajangiitinnani piffimmi aalisarnermik ingerlatsisut peqatigiiffii tusarniaavigisussaavai.

 

Borgmesterep sapaatip akunnerata aallartinnerani Ilulissani aalisarnermik soqutigisaqatigiiffiit marluk qulaani piffiit taaneqartut pillugit qassuserluni aalisarnermillu unitsitinissaq pillugu pilersaarutini pillugit naapeqatigisimavai. Peqatigiiffiit borgmesterip suliniutaa tapersersorpaat, taamaalillunilu tallimanngorneq 18. januar 2019 nal. 12:00 nallertinnagu qasutinik aalisarneq unitsinneqassaaq.

 

Qaleralinnut qassutit atorlugit aalisarneq unitsinneqassaaq piffinni ukunani:

Nuuaarsuk – Eqip avataa:

1. Nuuaarsuk 69°13,9N 51°07,1W

2. 69°13,4N 51°15,4W

3. 69°07,5N 51°12,0W

4. Eqi 69°07,9N 51°06,0W

 

Torssukátak – Ilulissat avannaani:

1. Naajaat 69°57,7N 51°09,9W

2. Nuffiumaneq assorleq 69°55,2N 51°01,3W

3. Sammisunnguaq 69°53,9N 50°48,6W

4. Qeqertakassaap Saqqaa 69°54,7N 50°47,0W

5. Ilerfit 69°55,2N 50°39,9W

6. Anap Nunaa 69°55,4N 50°37,0W

 

Pingaaruteqarpoq eqqumaffigissallugu, aalisarnermik unitsitineq taamaallaat qaleralinnik qassusersorluni aalisarnermik unitsitineq pineqarmat, saarullinnik aalisakkanillu allanik qaasuserluni aalisarneq unitsitinermit eqqorneqanngimmata.