airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaaneq: Qitiusoqarfissaq 1200-C21-mi sanaartorfissanik nutaanik pilersitsineq, Ilulissat

12. september 2019

Kommunip pilersaarutaanut tapiliussaq nr.10-mut Ilulissani ”Sermermiut aqqutaa”-ni sanaartorfissamut siunnersuut, pisortatigoortumik tusarniutitut saqqummiunneqarpoq piffissami uani: 11.09.2019-miit 06.11.2019 ilanngullugu.

Kommunimi pilersaarummut tapiliussap siunertaa:
Una kommunip pilersaarutaanut tapiliussaq suliarineqarneranut tunuliaqutaavoq qinnuteqaatinik tigusaqartoqarsimammat sulisunut inissiassanik marlunnik quleriinnik Sermermiut aqqutaata ilaani.
Sanaartorfissat pilersinneqassapput taakkununnga aalajangersakkat ersarissakkat ilaatinneqassallutik, taamaasilluni nutaanik sanaartortoqarsinnaalissaaq ilaqutariit ataasiakkaat illussaannik, sulisunut inissianik, inuutissarsiortunut tamalaanut, nioqquteqarfinnik kiisalu neriniartarfinnik sumiiffimmi qitiusoqarfimmi. Sumi sanaartorfissat inissinneqarpata maanna inissiaareersut isaterneqarsinnaapput

Sumiiffik annertusineqassaaq taamaasilluni illu B1725 sumiiffik C-21-mut ilanngutsinneqassalluni. Siunissami najugaqarfik qitiusoqarfimmut ilaalissaaq biilinullu iluarsaassisarfik inuussutissarsiorfik B07-mut ilaalissalluni.

Kommunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunip nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/  imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq. Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 06.11.2019.

Kommunip pilersaarutaanut tapiliut uani takuuk: KPT10.pdf