airplanebooksbriefcase business cogs cross election entertainment fish house law lockmedicalpeopleselfservices socialtax

Ikiuigasuartussat aallartilluarput

14. september 2019
Ikiuigasuartussat eqimattat marluusut Ukkusissani ikiuigasuarnertik aallartilluareerpaat.

 

Ikiuigasuartussat eqimattat immikkoortut marluk Avannaata Kommunianeersut Perlerfiup Sermiata eqqaani iluliarsuup aserornerata kingorna ajunaartut ilaqutaannut nunaqqataasunullu ikiuigasuartussat aallartilluareerput.

Ikiuigasuartussat sisamaasat ajunaartut ilaqutaasa nunaqqataasalu ikiorneqarnissaannik qulaajaajartortut ippassigami pingasunngornermi Ukkusissanut tikipput. Ikiuiagasuartussallu eqimattat allat eqimattat siulliit suliaannik nangitsiartorlutik Ilulissaniit ippassaq tallimanngornermi Ukkusissanut tikipput.

- Ikiuigasuartussat eqimattat marluusut aallaqqaammut naapissapput, eqimattallu siulliit suliatik eqimattanut kingullernut ingerlateqqitassatut ilisimatitsissutigissavaat. Eqimattat siulliit sisamanik inuttaqartut inuit suli tupaqqaneranni tikipput, eqimattallu kingullertut tikittut pingasunik inuttaqartut inunnut aliasunnermik eqqugaasunut ikiuigasuarnermik misilittagaqarnerusut maana tikillutik. Eqimattat siulliit ullumikkut Uummannamut utissapput, eqimattallu kingullertut tikittut eqqugaasunut ikiuigasuassallutik ulluni arlaqartuni Ukkusissaniissapput, Bea Mølgaard Lennert Avannaata Kommuniani Ilaqutareeqarnermut Ingerlatsivimmi pisortaagallartoq oqarpoq.

Bea Mølgaard Lennert aamma oqarpoq, ikiuigasuartussat kingullertut tikittut ulluni qassini Ukkusissaniissanersut nalunartoq, tassaniinnissaalli sapaatip akunnerata ataatsip missaani sivisussuseqaratarsinnaasoq.