airplanebooksbriefcase business cogs cross election entertainment fish house law lockmedicalpeopleselfservices socialtax

Inuusuttuaqqat Inuusuttunillu naapinnerat

19. september 2019

Uummannami inuusuttuaqqat inuusuttunillu angajoqqaanik innuttaasunillu naapitsineq pivoq 30.August 2019 unnukkut 21:00 - 01:30 iluatsilluartumik. Taamannak aaliagersimavugut pitsaaliuineq pissappat qanimut naapisimaarnissaat. Unnummi tassani inuusuttuaqqat 31, inuusuttut 13 inersimasullu qulit, peqataaffigaat, kiisalu taakku saniatigut Politiit aamma alakkaallutik.

Oqariartuutaat:
• Nunaqqatigiit ataatsimuualaarnerunissaat. Minnerpaamik qaammatit tamaasa katersortarfimmi.
• Innuttaasut ikioqatigiinnerunissaat, ilassiornissaat, uparuartuutinnginnissaat qinngasaarutinnginnissaallu.
• Assassoqatigiinneq/atoqqiinneq, ullukkuunngitsoq unnukkut soorlu 19:30-21:30 akornanni.
• Qitittoqakulaarnerunissaat inuusuttuaqqat inuusuttullu.
• B-2-mut uteqqikkusukkaluarpaat KLUBBERTARNEQ periarfissagissaarnerutippaat. Maqaasivaat. Qinikkanut apuukkusuppaat B-2 pillugu.
• Angajoqqaat ataatsimoorlutik unnussiuaartarsinnaanerat.
• Oqaloqatigineqakulanissartik, tusarnaarneqarnissarlu pisariaqartippaat.
• Allat piinik innimiginninnissaq aserorterisoqarunnaarnissaalu.
• Kiisalu qulliit amerlanerit qaamanerit.
• Nuannersunik sammisaqarnissaq. Klubbi imaqarnerusoq soqutiginarnerusorlu aningaasat aporfigineqartarnerat tusakatappaat, meeqqat inuusuttuaqqat inuusuttullu sipaarfigineqannginnerunissaat perusuppaat.

In.in.
Peqqinneq Sunngiffillu, Uummannaq