airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaassutigineqartut aammalooqqiinneqartariaqarput

18. november 2019

Sinerissap qanittuani qaleralinniarneq pillugu tusarniaassutigineqartut kalaallisut qallunaatullu oqaaseqatigiiliorneqarnerat imminnut ataqatigiinngimmata aammalu tusarniaassutigineqartumut piffissaliussaq sivikippallaaqimmat tusarniaassutigineqartumut akissuteqarnissamut killiliussaq sivitsorneqartariaqarpoq.

Sinerissap qanittuani qaleralinniarneq pillugu nalunaarutissatut siunnersuutip tusarniaassutigineqartup kalaallisut qallunaatullu oqariartuutaat imminnut ataqatigiingillat. Oqaaseqatigiiliorneqarnerimi assigiinngitsumik paasineqarsinnaapput, oqaatsillu sorliit malinneqarnissaat apeqqutaatillugu ilaatigut Avannaata Kommuniani aalisartunut kommunimullumi kingunerlussinnaavoq.

llutigitillugulu tusarniaanermi piffissaliunneqartoq qaammatip missarluinnaanik sivisussuseqartoq sivikippallaaqaaq, taamaammallu tusarniaassutigineqartumut akissuteqarnissamut piffissaliussaq sivitsorneqartariaqarpoq, taamaasillutik Namminersorlutik Oqartussat tusarniaassutigineqartumi kalaallisut qallunaatullu oqaasertaliunneqartunik aaqqissuteqarsinnaassapput aammalu aalisartut tusarniaassutigineqartunut akissuteqarnissaminnut piffissaqarnerulissallutik.

Inuulluaqqusilluta
Johan Villadsen, Siulittaasoq, llulissani Aalisartut Piniartullu Peqatigiiffiat
Palle Jerimiassen, Avannaata Kommuniani borgmesteri