Kommunalbestyrelseip kommunimut pilersaarummut ilassutissaq nr. 6 tusarniutigissallugu aalajangerpoq. Kommunimut pilersaarummut ilassutissap Atuarfik Mathias Storchimi, Ilulissani, pinnguartarfiliornissaq ajornarunnaasippaa.
Illoqarfiup qeqqanut siunertanut Kommunip pilersaarutaanut tapiliut nr. 6-imut siunnersuut tamanut ammasumik tusarniaassutitut saqqummiunneqarpoq, piffissami: 16.01.2020-imit 12.03.2020 tikillugu ilanngullugulu.
Kommunip pilersaarutaata tapiata siunertaa:
Kommunip pilersaarutaanut ilassutissap pingaarnertut siunertaraa nunaminertamik atuarfiup eqqaani inniminniinissaq, Atuarfik Mathias Storchimut, pinnguartarfimmut, arsaartargfik mikinerusoq il.il. Aammattaaq kultureqarnermut siunertanut ass., nipilersornermut illu, saqqummersitsivinnut assigisaannullu nunaminertamik immikkoortitsinissaq.
Kommunip pilersaarutaanut ilassutissap siunertaraa aamma immikkoortortami tunngavissap toqqissuunissaata malinnaatinneqarnissaa, taamaalilluni atuarfik 2017-imi naammassineqartup nutaamut malinnaanissaa pillugu.
Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunip nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 12.03.2020.
Kommunip pilersaarutaanut tapiliut uani takuuk: KPT6.pdf
