airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani imeqarfiup killeqarfiani snescootererneq inerteqqutaavoq

Ilulissani qimussit aqqutaasa ilarujussuat imeqarfiup killeqarfiata iluaniippoq. Imeqarfimmut killeqarfik erngup minguitsup qularnaarnissaa pillugu aalajangerneqarsimavoq, taamaattumillu Ilulissani imeqarfiup killeqarfiata iluani angallatinik motoreqartunik, ilanngullugit qamuteralannik (snescooterinik) atuinissaq inerteqqutaavoq.
23. marts 2020

Imeqarfimmut killeqarfinni qamutit motoorillit atortullu/sakkullu atornissaannut aalajangersakkat Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersumi § 28-miipput.

Taamatuttaaq Ilulissat eqqaata ilarujussua UNESCO-p nunarsuarmi kingornussassaqarfianiippoq. UNESCO-p sumiiffiani allanngutsaaliukkami aallaaviatigut qamutinik motorilinnik atuinissaq inerteqqutaavoq.

Aalajangersakkat qulaani eqqartorneqartut unioqqutinneqannginnissaannut tunngatillugu Avannaata Kommunia nakkutilliisutut oqartussaasuuvoq. Taamaattumik Ilulissani imeqarfiup killeqarfigisaani aamma UNESCO-p sumiiffiani allanngutsaaliukkami kikkut tamarmik qamuteralannik angalaartannginnissaannik kommunip peqqussuteqarfigai. Taamaattumik nunap assingani ilanngunneqartumi takuneqarsinnaasutut quppaq aqqusaarlugu Kangianut ingerlaffissiamik atugaqarnissaannik qamuteralannik ingerlasut tamaasa kommunip innersuussiffigai.

Apeqqutissaqarussi tamatigut Ilulissani Teknikki pillugu Ingerlatsisoqarfimmut saaffiginnissinnaavusi.