Nalunaaruteqarnermut piffissaq tassaavoq 27.04.2020-imit 08.06.2020 tikillugu ilanngullugulu.
Teknikkimut Ataatsimiititaliap Ilulissani immikkoortup ilaani A21-mi inissialiassanut suliniummut siunnersuut tapersersussallugu aalajangersimavoq. Pilersaarutitut tunngavigineqartup allanngortinnginnerani suliniutissatut siunnersuut nalunaarutigineqarpoq.
Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.
Suliniut ima imaqarpoq:
KJ Greenlandip Ilulissani nunaminertap A21-p angissusaata inissialiorfissallu amerlassusaasa allanngortinneqarnissaat qinnutigaa. Suliniutip piumasaraa sumiiffiup ilaata killeqarfiata annikitsumik allannguiffiussasoq.
Allannguutip kingunerissavaa sanaartorfissat ikiliallannerat manna sumiiffimmut pilersaarut A21.1-misut sanilliukkaanni, kinguneralugu allatut inissiineq annertussuserlu. Sanaartorfissat ilaat maannakkumeersu-mit annerulaassapput ilaallu minnerulaarlutik, tassa kissaataammat illuat typiisa nikerarnissaat, inissiat ilaat illut uiguleriiaajussapput, ilaat marloqiusat aamma ilaqutariit illui. Kissaataavoq sanaartorfiliisoqassasoq 16-nik. Sumiiffiup ilaani illuliat portussusaat 1-2 quleriiussapput tulleriinneri nikerarsinnaallutik.
Suliniutissatut siunnersuutit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit.
Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Suliniutip allanngunnginnissaanut piumasaavoq suliniutitut siunnersuu-titut illuliorfissatut atugaanissaa illunik ammasunik pukkitsunik aamma/imaluunniit akulikitsunik pukkitsunik illulior-toqassasoq.
Qinnuteqaatit tamarmik imaattunik imaqartinneqassaaq:
1. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
2. Atornissaa pillugu paasissutissaq.
3. Teknikkikkut ikkussukkat pillugit paasissutissat.
4. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.
Piffissamut aamma sanaartornissamut pilersaarutit.
Ullormit 27.04.2020: nal. 12:00 nunaminertap immikkoortuanut suliniutissanut allanut siunnersuutit nassiunneqassapput.
08.06.2020-mut: nal. 04:00 suliniutissatut siunnersuutinik tigooraaneq matussaaq.
Siunnersuut
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 701800 imaluunniit mailikkut: plania@avannaata.gl