Videoliami erinarsuut ”Imminut paarigit” Jonas Fleischerip erinniaralugu taalliaraa, Sandra Jerimiassen erinarsortuulluni aammalu Nick Fussing Rosbach rapperluni erinarsortuulluni.
- Jonas Fleischer Avannaata Kommunianut saaffiginnippoq aperalunilu Covid-19 pillugu erinarsuusiornissamut suleqataarusussinnaanersugut. Erinarsuut nuannarigatsigu suleqatiserinninnerannut akuersaarpugut, aamma kommunip pinaveersaartitsiniarneranut tunngatillugu erinarsuusiornermut tapersersuerusukkatta.
- Erinarsuut inuusuttunut tunngatinneqaraluarpoq, taamaakkaluartoq nunatsinni kikkulluunniit imminnut paarinissaannut kaammattuutaalluarsinnaavoq, taamalu Covid-19 siaruatsaaliorneqarluni, Nuka Nathanielsen Avannaata Kommuniani allattoqarfimmi pisortaq oqarpoq.
Videokkut erinarsuusiaq uani aaneqarsinnaavoq: https://www.facebook.com/AvannaataKommunia/videos/263763951455266/
Annertunerusumik paasisaqarusuttut Jonas Fleischerimut mobilnormu +299 54 07 78-imut sianerlutik paasiniaasinnaapput.