airplanebooksbriefcase business cogs cross election entertainment fish house law lockmedicalpeopleselfservices socialtax

Utoqqarnik sullissinermi upalungaarsimanermi pilersaarutit allanngortinneqarput


Utoqqarnik sullissinermi upalungaarsimanermi pilersaarutit Ilulissani coronartoqarneranik paasisaqarnermi atuutilersinneqartut piumasaqaatitalimmik allanngortinneqarput.
31. maj 2020

Illoqarfimmi coronartoqartoq paasineqarmat utoqqaat illuaannut pulaarsinnaaneq pingasunngornermi maajip 27-ani atorunnaarsinneqarpoq, ilutigalugulu angerlarsimaffinni ikiorteqarnerup tungaatigut pisariaqarnerpaaginnaat suliarineqalerlutik.

- Utoqqarnik sullissinermi upalungaarsimanermi pilersaarutit maanna allanngortinneqarput, taamalu ilaqutaasut utoqqartaminnik utoqqaat illuanniittunik pulaaqqissinnaalerput. Taamatuttaaq angerlarsimaffinni ikiorteqarnerup tungaatigut sullissineq nalinginnaasumik ingerlaqqissinnaalerpoq. Taamatut aalajangiineq Avannaata Kommunianit corona pillugu suliaqartunik oqaloqateqartoqareersorlu pivoq, Aviâja Madsen Ilaqutareeqarnermut Ingerlatsivimmi pisortaq nassuiaavoq.

Utoqqarnik sullissinermi upalungaarsimanermi pilersaarutit makkuninnga piumasaqaatitalinnik allanngortinneqarput:

- Pulaarniartut napparsimasut utoqqaat illuannut isersinnaassanngitsut
- Coronamik siarutsaaliuinermi nakorsaaneqarfimmit nalinginnaasumik maleruagassat malinneqassasut.

Nakorsaaneqarfimmit nalinginnaasumik maleruaqqusat uani atuarneqarsinnaapput: www.nun.gl.

Qarasaasianni paasissutissat ilaat atoqqissinnaajumallugit quppernermi matumani cookie-t atorneqartarput. Akueriuk annertunerusumilluunniit uani paasisaqarit.