Kommunimut pilersaarummut tapiliussaq nr. 3: http://kommuneplania.avannaata.gl/download/kpt_1830_forslag/kpt_3_rev_forslag_bygdeplan_qeqertat.pdf
Kommunip pilersaarutaata tapiata siunertaa:
Kommunimut pilersaarummut tapiliussami siunertaq tassaavoq immikkoortortanik nutaanik atugassiinissaq, tassani inissianut, inuussutissarsiornermi siunertanut qitiusimilu siunertanut sanaartorfissat inissinneqassallutik. Qeqertat taamaalillutik inuussutissarsiornermi tunngaviit ineriartornerat peqatigalugu siunissami ineriartortinneqarniassammat. Immikkoortortat arlallit immikkoortortanut pioreersunut killingi allanngortinneqassapput taamaalilluni Qeqerani pitsaasumik tamakkiisumik pilersaarusiortaqarniassammat.
Siunnersuut siusinnerusukkut tusarniutigineqarsimavoq tusarniaanermilu akissutigineqartut tunngavigalugit nutarterneqarsimalluni. Siunnersuut pillugu tulliuttuni immikkualuttut taaneqartut allannguuteqartinneqarput:
• Immikkoortortanik killeqarfilersuineq
• Sanaartorfissianik inissititerineq
• Immikkoortortaq E03 (tankeqarfik) pillugu pingaarnertut kiisalu ersarissakkanik aalajangersakkat ilanngunneqarput
• Immikkoortortaq A01 (inissiaqarfik) pillugu ersarissakkanik aalajangersakkat peerneqarput
• Immikkoortortani pisuni akuersaaruminaattunik akuersissutigineqarsimasut pillugit piumasaqaataasumik killilersuisinnaatitaaffittalinni aalajangersakkat naqqiivigineqarsimapput
• Aaqqissuinikkut annikitsumik naqqiuteqartoqarsimavoq
Kommmunimut pilersaarummut tapiliussaq sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/
imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 23.07.2020.
