airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniata paasissutissat inunnut tunngasut mianerai

Avannaata Kommuniani ullormut paasissutissat inunnut tunngasut amerlasuut assigiinngiiaartullu passunneqartarput, taamaattumik tamakkua eqqortumik isumannaattumillu passunneqartarnissaat qulakkiissallugu pingaaruteqarpoq.
24. juli 2020

Avannaata Kommuniani ullormut paasissutissat inunnut tunngasut amerlasuut assigiinngiiaartullu passunneqartarput, taamaattumik tamakkua eqqortumik isumannaattumillu passunneqartarnissaat qulakkiissallugu pingaaruteqarpoq.

Paasissutissat inunnut tunngasut suuppat?

”Paasissutissaq qanoq ittorluunniit inuup kinaaneranik qulanarnaatsumik kinaaneranilluunniit paasissutissiisumik ersersitsisoq”

Paasissutissat innuttaasunut kiisalu sulisorisanut tunngasut inunnit susassaqanngitsunik tiguneqannginnissaat qulakkeerniarlugu, Avannaata Kommunia paasissutissat inunnut tunngasut pillugit workshp-pertitsisimavoq. Sulisut suleqatigalugit, taakkualu saqqummiussaat tunngavigalugit, qanoriliuusissamik suliaqartoqarsimavoq, paasissutissat inunnut tunngasut qularnaatsumik passunneqartarnissaat qulakkeerumallugu.

Sulisunik peqataatitsinerup qulakkiissavaa siamasissumik piginneqataanermik misigisimaneq, sulisut ataasiakkaat pineqartoq pillugu ilisimasanik allanit pigineqanngitsunik ilisimasaqarmata, inunnut paasissutissanut tunngatillugu mianernarsinnaasut kiisalu unammillernartut eqqarsaatigalugit.

Qanoq iliuusissatut pilersaarummi ilaatinneqarpoq suliusunik ilinniartitsineq, tassani inunnut paasissutissanik eqqortumik paasussisarnissaq siunertarineqarluni.

Qanoq iliuusissatut pilersaarut ilaatigut ima imaqarpoq.

-          IT-pillugu tamakkiisumik sillimaniarnikkut politikki.

-          Inuit pillugit paasissutissat toqqortorneqartarnerannut, nunguterneqartarnerannullu politikki.

-          ”Pissutsit qanoq ittuunerannik ilisimaarinninneq” pillugu politikki(paasissutissiisarneq kiisalu paasititsiniaasarneq).

-          Sulisut kikkut, paasissutissanut sunut aallersinnaanerannut politikki, aammalu taamatut akuerisaasunut malinnaasarneq, tamatumani sulisut sulianut attuumassutillit kisimik paasiniaasarsinnaanissaat qulakkeerumallugu.

-          Tingussaasumik allaffinnut isersinnaanermut killiliinissamut politikki, sikaaviit kiisalu toqqortaasiviit kommunimi allaffinni tamani.

Qanoq iliuusissatut pilersaarut atuuppoq kommunip suliffeqarfiutaani tamani inunnut paasissutissanik passussiffiusartuni.

Taamaatumik pinaveersaartitsiniutit allattorsimaffiat tamakkiisoq Datatilsynet-mut nassiunneqarsimavoq, tamatumanilu nalunaarutigineqarpoq nalunaaruteqarneq oqaaseqaateqarfigissallugu pissutissaqanngitsoq, aammalu taamaattumik inunnut paasissutissat pillugit sillimaniarnermi piumasaqaataasut malinneqartut.

 

Inussiarnersumik inuulluaqqusillunga, Hanne Holm Andersen, Suliniummut piusortaasoq