airplanebooksbriefcase business cogs cross election entertainment fish house law lockmedicalpeopleselfservices socialtax

Qaanaamut upalungaarsimanermut atortussat nutaat

28. juli 2020

 Upalungaarsimanermut pisortaq Jens Dahl maanna angerlamut tikeqqammerpoq Polen-mut Danmark-mullu angalareerluni, Qaanaami upalungaasimanermut tunngasunik atortussanik nutaanik pisiniarluni. Sulisut biiliisa biilillu qatserutaasut mississornerisa saniatigut, nassiutinnginneranni, upalungaarsimanermut pisortap atortut akornuteqanngitsut nassiunnissaat aamma qulakkeeqqaarpai, nunatta avannaata silaannaanut tulluartut.

Qaanaami maanna atortut pisoqalipput nungullarsimaqalutillu. Taamaattumik upalungaarsimanermut pisiat nutaat taartissaapput pingaaruteqarluartut.

Qaanaami upalungaarsimanermut atortussanik pisinissaq aqqutissiuunneqarpoq juunip qaammataagaa Kommunalbestyrelsip ataatsimiinnerani akuersissuteqarneratigut. Isumaavoq atortut umiarsuarmut kingullermut usineqarnissaat taamaalilluni ukioq manna atorsinnaalissammata.