airplanebooksbriefcase business cogs cross election entertainment fish house law lockmedicalpeopleselfservices socialtax

Naalakkersuisut ilumuunnginneraanerat piviusumik ilisimasaqannginnermik tunngaveqarpoq

Aqutsiveqarfimmi 47-rormiut immikkoortitaanerat unitseqqullugu allaaserisara tunngavigalugu Naalakkersuisut akissuteqarlutik uannik ilumuunnginneraanerat piviusumik ilisimasaqannginnermik tunngaveqartutut taarusuppara. Tamatuma saniatigut sammisap Sermitsiamit allaaserineqarnera uanga allaaserisannit allaanerulluinnarpoq.
15. september 2020
Angallatit 6 meteri sinnerlugu angissusillit pillugit oqaaseqanngilanga. Allatara innersuussutigilara, tassanimi ersippoq umiatsiaaqqanut tunngasut kisiisa sammigikka.

Sermitsiap allaaserisaani uanga allatanniit tunngaveqarneranik oqariartorneq ilisarinngilara, allatarami atuaraanni Sermitsiap allataaniit allaanerulluinnarpoq aamma pineqartoq aallaalluinnarluni. Uanga Sermitsiap attaveqarfiginikuunngilaanga aamma Sermitsiamut oqaaseqarnikuunngilanga. Tamatumani erserpoq tusagassiorfeqarfinnit allaaserisaqartoqartillugu issuarneqartut allaaserisanik qulakkeerinnittarnissaat qanoq pingaaruteqartigisoq.

Uani allassimasara innersuussutigilara, tassanimi eqqartorpakka umiatsiaararsortut 47-rormiut, tassa uagut aqutsisoqarfitsinneersut immikkoortitaanerat unitseqqungakku. Tassani kujataaniit aqutsiveqarfimmiit 46-miit umiatsiaararsortut aqutsiveqarfinnut marlunnut akuersissutillit uagut aqutsiveqarfitsinni aalisartut, oqaluttuarisaanerooq malillugu akuersissummik 47-mut peqalersimasut. Oqaluttuarisaaneq uani suna pineqarnerpoq, taannami uagut avannaamiut takunikuunngilarput. Taakkuuku pingikka, tassami uagut aalisartortagut umiatsiaararsortut aqutsisoqarfimmut 47-mut akuersissuteqartut illersorusukkakkit, taakkumi pisassat nunguppata aqutsiveqarfik 46-mut aalisariarsinnaanngillat 46-mut akuersissummik peqannginnamik. Illuatungaanili 46-mut allagartallit 47-mi pisassat nunguppata aqutsiveqarfimminnut 46-mut angerlarlutik aalisariarsinnaapput, uagullu allisartortagut aqutsiveqarfitsinneersut 47-rormiut uniinnartussaallutik.

Equngasoqarujussuartoq Naalakkersuisoqarfiup ilisimasimanngippangu tupinnassaqaaq, aamma piviusumiit isiginngitsuusaarinertut taarusuppara. ”Naalakkersuisunit ilumuunnginneraaneq” piviusumik ilisimasaqannginnermik tunngaveqartutut taarusuppara.

Palle Jerimiassen
Borgmesteri
Avannaata Kommunia