Aammattaaq Pisortani Digitalimik Allakkerinermut ilanngunnissamit pisussaajunnaarsinneqarnissamut qinnuteqaatit innuttaasut ukiui malillugit pissasut aalajangiunneqarpoq. Innuttaasut ukiui malillugit qinnuteqarnissamut killiliussaqarnikkut, innuttaasut utoqqaat digitalimik sungiusimasaqaratik peroriartorsimasut pisussaajunnaarsinneqarnissamut qinnuteqarnissaat sivisunerpaanngortinneqarpoq. Tamatuma saniatigut innuttaasunik kiffartuussivimmi sulisunut allaffissornikkut tamanna oqilisaataassaaq.
Ukiut malillugi pisussaajunnaarsinneqarnissamut qinnuteqarnermi killiliussat
Pisortani Digitalimik Allakkerinermut pinngitsoorani ilanngunnissap atuutilernissaa sioqqullugu ukiut malillugit qinnuteqarnissamut killiliussat tullinnguuttumi nassuiaatigineqarput:
1) Ulloq 1. januar 2021-mi 30-t ataallugit ukiulinnut qinnuteqarnissamut killiliussaavoq 31. oktober 2020
2) Ulloq 1. januar 2021-mi 50-it ataallugit ukiulinnut qinnuteqarnissamut killiliussaavoq 30. november 2020
3) Ulloq 1. januar 2021-mi 70-t ataallugit ukiulinnut qinnuteqarnissamut killiliussaavoq 31. december 2020
Pisortani Oqartussaasunut atassusertinneq
Pisortani oqartussaasut tamarmik pisortani digitalimik allakkerinermut atassusertinnissaat kaammattorneqarput.
Apeqqutissaqarussi imaluunniit pisortani digitalimik allakkerinermut atassusertinnissamut kissaateqarussi, suliniummut suleqatigiit attaveqarfigineqarsinnaapput e-mailikkut: digitalpost@nanoq.gl
Ikinngutinnersumik
Katrine Hjelholt Nathanielsen
Pisortani Digitalimik Allakkerineq pillugu paasissutissat allat atuarsinnaavatit uani:
- https://www.sullissivik.gl/Emner/Digital-post/Digital-Post?sc_lang=da-DK
- https://digitalimik.gl/Emner/Digitale_Loesninger_B/ODP?sc_lang=da
- http://lovgivning.gl/lov?rid={3B6573DF-50AE-4599-BF97-29BD062A6E28}