airplanebooksbriefcase business cogs cross election entertainment fish house law lockmedicalpeopleselfservices socialtax

Neqeroorusiortitsineq: Pujoorfinnik paaviaasarneq

Uummannaq, Niaqornat, Saattut, Ikerasak, Ukkusissat, Qaarsut
4. november 2020
4. november 2020
Paasisaqarnerorusukkuit attavigisinnaavat:
Arnarulunnguaq Hammond Zeeb: 3877803 e-mail: arha@avannaata.gl
Tunniussivissaq kingullerpaaq tallimanngorneq 18. november 2020 nal. 12.00.
Isumaqatigiissut atuutissaaq 20. november 2020-miit – 20. november 2023-mut.


PUJOORFINNIK PAAVIAASARNEQ
Neqerooruteqarnissamut tunngavissat

A SULIASSAT

A 1 Suliassat tassaapput Uummannami illoqarfimmi nunaqarfinnilu illuni tamani ikumatsitsiviit/kissarsuutit pujoorfittallit.
Paaviaareernermi kiassaat paanut nakkaasimasunut salinneqassaaq, kisianni paaviaasup sullisineq suliarissanngilaa, imatut paasillugu paaviaasup kiassaatip/kissarsuutip ikumasua allanngortissanngilaa imaluunniit kiassaatip nipaallisaataa taarsissanngilaa.

Inini kommunip aamma namminersornerullutik oqartussat pigisaanni (INI A/S-mit ingerlanneqartut) paaviaaneq imatut aaqqinneqarsimassaaq, VVS-mi sullissisunut sianersinnaasariaqarluni paaviaanerup kingorna kiassaat/kissarsuut aallartinngitsoornerani.

A 2 Paaviaanermi pujoorfiit, ikumatsitsiviit ruujoritaat 110 Mcal/h tikillugu annertussusillit ilaatinneqarput.

B INATSISITIGUT TUNNGAVISSAT IL.IL. ATUGASSARITITAASULLU

B 1 Kalaallit Nunaanni annaassiniarnissamut upalungaarsimaneq aamma ikuallattoornis-samik qaartoornissamillu pitsaaliuinermi iliuusissat pillugit Inatsisartut inatsisaat nr. 14, 26. maj 2010-meersoq

B 2 Paaviarneqarsimasunut nalunaarusiornissamut immersuiffissat.
B 3 Paaviaasup atortut pisariaqartinneqartut tamaasa pisiarissavai aserfallatsaaliorlugillu.

B 4 Paaviaasoq taassumalluunniit sulisua paaviaasutut ilinniagaqarsimassaaq.


B 5 Isumaqatigiissutip aningaasartaasa 10%-ianik aningaaserivimmut qularnaaveeqqusiisoqassaaq, taannalu ukiumut qasseriarluni paavianerit ataatsimoortumik akinut amerlillugu naatsorneqassaaq. Qularnaveeqqusiissutit isumaqatigiissummik sumiginnaasoqariataassagaluarpat kommunimit tiguneqarsinnaasunngorlugu aningaaserivimmut inissinneqassaaq. Arlaleriarlunili sumiginnaagaanni sumiginnaarujussuartoqartilluguluunniit aatsaat taamaaliortoqassasoq oqaatigineqassaaq. Kommunip isumaqatigiissut atorunnaarsinniarlugu eqqarsaatigippagu tamanna sivikinnerpaamik ullunik 14-inik sioqqutsilluni allakkatigut nalunaarutigineqassaaq.

B 6 Isumaqatigiissut 20-11-2020-imiit 20-11-2023-ip tungaanut ukiuni pingasuni atuutissaaq.
Isumaqatigiissut ukiut pingasut qaangiunneranni sivitsorneqarsinnaavoq. Taamaattoqassappallu isumaqatigiissutip atorunnaannginnerani kingusinnerpaamik qaammatinik arfinilinnik sioqqutsilluni isumaqatiginninniarnerit naammassineqareersimassapput.

B 7 Ataatsimut akigititassatut neqeroorutigineqarsimasut isumaqatigiissutip atuunnera tamaat atuutissapput. Isumaqatigiissutip isumaqatigiissutigineqarnerata nalaani illuatungeriit siumut siulittuutigisinnaanngisaannik immikkut ittumik pisoqartillugu aatsaat akigitinneqartut allanngortinneqarsinnaapput.

B 8 Paaviaasoq paaviaanermini akilersilluni allanik suliaqarnissaminik neqerooruteqarsinnaanngilaq.
Paaviaanerup saniatigut paaviaasoq allatut sullissinissani pillugu allakkatigut isumaqatigiissuteqarsinnaavoq.
Isumaqatigiissutit tamakku kommunimit nakkutigineqassanngillat naammagittaalliortoqartilluguli paaviaasup isumaqatigiissutigisimasani uppernarsarsinnaasariaqarpai.

B 9 Paaviaasup paaviaanermini inummut allamut ajoqusiiguni sillimmasersimanini uppernaassavaa.

B 10 Suliarineqartut kingumoortumik qaammammut akilerneqartassapput.
Akiliutit piffissap ingerlanerani suliarisimasanik teknikkimut ingerlatsivimmut nalunaarutinut immersuiffissat tunniunneqartut tunngavigalugit naatsorsorneqassapput.

C ANNERTUSSUTSIT SULIARISIMASALLU
C 1 Kommunip nalunaarnissamut immersuiffissat tunniutissavai. Immersuiffissaq pingasunngorlugu immersorneqassaaq. Ataaseq sullissamut, ataaseq teknikkimut ingerlatsivimmut ataaserlu paaviaasumut.

C 2 Illoqarfimmi upernaakkut ukiakkullu marloriarluni paaviaasoqartassaaq.

Nunaqarfinni aasakkut ataasiarluni paaviaasoqartassaaq.

Illoqarfiup nunaqarfiillu avataanni illuaqqat/illut aasarsiortarfiit piumaffigineqarnikkut immikkullu akilersillugit paaviarneqartassapput. Teknikkeqarnermut avatangiisinullu immikkoortortaqarfik suleqatigalugu paaviaanissaq aaqqinneqassaaq.


Nalunaarnissamut piffissaqartitsilluarluni paaviaanissaq illoqarfimmi nivinngaavikkut nalunaarutigineqartassaaq.

C 3 Illoqarfimmut paaviaanissanik pilersaarut nivinngaavikkut allatullu siunertaqarluartumik iliornikkut, assersuutigalugu eqqaavilerisut/anartarfilerisut suleqatigalugit kikkunnut tamanut tusarliunneqartassaaq.

Paaviaaniarluni illup inui angerlarsimatinnagit paaviaasup ”Maaniippunga”-mik allagarsiissaaq, tassanilu piffissaq suna paaviaasoqarsinnaaneranik paasissutissaq ilanngunneqassaaq. Taamatut paaviaanerit sapinngisaq naapertorlugu nalinginnaasumik suliffiup avataani ingerlanneqartassapput.

C 4 Suliassap suliarineqarsimanera uppernarsarniarlugu paaviaasup sullissallu nalunaarnissamut immersuiffissaq atsiussavaat. Illumik piginnittuunngitsoq nammineersinnaasorli illumi naammattoorneqarpat taassuma paaviaasoq peqatigalugu suliassap suliarineqarsimanera uppernassassavaa. Taamaalisoqassappat ersarissumik imatut atsiortoqassaaq: ”Piginnittoq sinnerlugu”.

C 5 Kissarsuutit 110 Mcal / h-it sinnerlugit piginnaanillit pujoorfittallillu suliarineqarneri piffissamik atuineq naapertorlugu akilerneqassapput, imatut paasillugu; sulisup nalunaaquttamut akunnermusiai tapillu assigiinngitsut ilanngullugit, tassunga ilanngullugit sulinngiffeqarnermi akissarsiassat (feriepenge) 2,5 amerlillugit. Teknikkimut ingerlatsiviup paaviaasullu akornanni nalunaaquttap akunneranut taamaattumut aningaasat aalajangersimasut piffissami isumaqatigiissuteqarfiusumi atuuttussamik isumaqatigiissuteqartoqarsinnaavoq, taamaattorlu immikkoortoq B 10 takuuk.

C 6 Paaviaasoq taassumalu sulisui sulinermik nalaani suliaqarnerminni inussiarnersumik pissuseqassapput pitsaasumillu pissusilersorlutik aammalu imigassamik aanngajaarniutinilluunniit sunnertissimasussaanatik.

C 7 Paaviaasup upernaakkut ukiakkullu illu ataaseq pingasut angullugit misissoriartorsinnaasariaqarpaa, tamatuma kingorna illu teknikkimut ingerlatsivimmut nalunaarutigissavaa tassanngaanniillu illup pujoorfia simassaannik alakkaanermi paaviarneqartarnissaa isumagineqassaaq.
Takuniaanerit tamarmik, sisamaat ilanngullugu, akigitinneqartumut aalajangersimasumut ilaatinneqassapput.
Sisamassaannik kinguneqanngitsumik takuniaanerup kingorna teknikkimut ingerlatsiviup paaviaasullu paaviaaneq qanoq ingerlanneqassanersoq isumaqatigiissutigissavaat tassanilu paaviaaneq immikkut akilerneqassanersoq isumaqatigiissutigineqarsinnaavoq.


C 8 Nunaqarfinni paaviaanerit illoqarfimmi akigitinneqartut akeqqatigissavaat, angalanermut uninnganermullu aningaasartuutinik uppernarsaatitalinnik ilallugit.
Teknikkimut ingerlatsivik akuerineqarluni paaviaasoq nunaqarfimmi inummik suliamut piginnaanilimmik (assersuutigalugu nunaqarfimmi qatserisartut pisortaat) isumaqatigiissuteqarsinnaavoq, taannalu paaviaasup akiligassaanik paaviaasullu akisussaaffigisaanik paaviaassaaq pisariaqarpallu kissarsuummik saliilluni. Paaviaasoq nunaqarfinni sisamani tamani sukkut tamaana tigusisarluni misissuisassaaq. Taamatut suliaqarnermini nalunaaquttap akunnermusianut akiliisoqartassaaq, soorlu immikkoortumi C 5-imi oqaatigineqartoq, angalanermut uninnganermullu aningaasartuutinik uppernarsaatitalinnik ilallugit.
Pissutsit qanoq ittuuneri naapertorlugit qatserisartut pisortaat taassumaluunniit toqqagaa, nunaqarfimmi qatserisartut pisortarissanngilaat, sukkut tamaana tigusisarluni misissuisarnissaa isumaqatigiissutigineqarsinnaavoq.

D ILLUT AMERLASSUSAAT

Ukiumiit ukiumut ikumatsitsiviit amerlassusaat assigiinngiiaartarsinnaammata neqerooruteqarnermi illoqarfimmi ikumatsitsiviit 950-it nunqarfinnilu 737-it naatsorsuutigineqassapput, katillugit ikumatsitsiviit 1687-it 110 Mcal/h ataallugit sakkortussusillit.

E AKIT

Ikumatsitsivimmut Y-mut ataatsimut aki ___________kr.

Timeløn for kedler med kapacitet over 110Mcal/h = _____________kr.

Ekstra pris ved 4. besøg = _____________kr.

Ulloq:

Sumiiffik:



Neqerooruteqartup atsiornera