airplanebooksbriefcase business cogs cross election entertainment fish house law lockmedicalpeopleselfservices socialtax

Visit Greenland-ip siulersuisuisa Ilulissanut tikeraarnerat

Sisamanngornermi 26.november Visit Greenlandip siulersuisui Avannaata Kommunia-nut tikeraarput, eqqar-toriartorlugu siunissami Kalaallit Nunaanni takornariaqarnerup ineriartortinnissaa.
14. december 2020
 Visit Greenlandip siulersuisui borgmesterPalle Jerimiassen-ilu.

Visit Greenlandip siulersuisui Avannaata Kommunia-nut Ilulissani tikeraarput sisamanngornermi 26.november, tassani borgmester Palle Jerimiassen aamma pisortaaneq Nick Nielsen ataatsimeeqatigineqarlutik. Ataa-tsimiinnermi siunertaavoq takornariaqarnerup ineriartornissaa pillugu oqaloqatigiinnissaq. Visit Greenlandip siulersuisui inuttaqarpoq Kalaallit Nunaanni takornariaqarnermut qitiusutut inississimasunik.

Takornarissat tikittartut amerliartortillugit taava pilersaaruteqartariaqarpoq takornariaqarnerup qanoq ineri-artortinneqarnissaanik taamaasilluni tikittartut amerliartuinnartut isumagineqarsinnaaniassammata arlaa-tigut innarliisoqarani Kalaallit Nunaata immikkuullárequtaanik. Taamaattumik pingaaruteqarpoq takornariaqarnerup imminut nammassinnaasup akisussaassusermillu ingerlanneqartup isiginiartuarnissaa. Tamanna ilaatigut pisinnaavoq takornarissat qanoq amerlatigisut tikisinneqarsinnaanerisa isumalioqqutigineratigut, aammalu takornariaqariaaseq suna ingerlanniarnerlugu. Taamaattumik pissusissamisoorluinnarpoq Avannaata Kommuniani iliuusissatut pilersaarusiap qaqinneqarnera, tassanimi immini nammassinnaanera pingaartinneqarluinnartuummat.

Ataatsimiinnermi qitiulluinnartutut eqqartorneqartoq tassaavoq takornarissat nunap ilaanut siammarternerunissaat, tassani nunap immikkoortuisa nukittuffii atorluaaffigiumanerullugit aammali illoqarfissuit ava-taanni attaveqaatitigut ineriartortitsisoqarniassammat, kiisalu sumiiffimmi ataatsimi takornarissat eqiterun-nerujussuat pinngitsoortinniarlugu, tamanna avatangiisinut sunniinerlussinnaammat aamma takornarissat namminneq misigisaqarnissaannut. Taamaattumik nuna tamakkerlugu suleqatigiinnissaq pingaartuuvoq, immikkoortiterluni takornarialerngusaannertut isiginianngikkaanni.

Tikeraarnermuttaaq ilaatinneqarpoq Ilulissani Kangia pillugu Paasissutissiisarfittaassap takuniartinneqarnera taanna ilimagisaavoq aappaagu naammassineqarnissaa. Kangia pillugu Paasissutissiisarfik aamma takornarissanut qitiusumik paasissutissiisarfittut atuutissaaq aammali ilisimasatigut qitiusoqarfittut, namminerisaminik atuagaateqarfilik aammali nunatsinni meeqqat atuarfiiniik, kangia pillugu iliniarfiusinnaasoq Kalaallit Nunaa-ta ineriartornera kulturialu ilanngullugit.



allattoq: Nikolaj Sander

assiliisoq: Nikolaj Sander

Kangiapillugu Paasissutissiisarfik nittaattumi