airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani coronartoqarnera pillugu nalunaaruteqarneq

20. december 2020

Tikerarfiunerput tunngavigalugu aarlerissutigiuarnikuuvarput corona-p kommunitsinnit qaqungukkulluunnit pisinnaasoq anngussinnaanera.

Ullumi ualiartulersoq nuna tamakkerlungu corona pillugu aqutsisoqarfimmiit nalunaarfigineqarpugut covid 19-mik tunillatsissimasunik Ilulissani arfinilinnik nassaartoqarsimasoq.

Pineqartut tamarmik nalunaarfigineqareerput massakkullu peqqinnissaqarfimmiit tamakkiisumik nakkutingineqarput, tuniluuttoqarsinnaaneralu pakkersimaarneqarpoq.

Tikinnermiit ullut tallimat qaangiunneranni malitassat naapertorlungit misissorteqqinnermi tunillatsissimasut paasineqarput.

 

Politiit paasitinneqaramik ingerlaannaq suliaq ingerlassimavaat pineqartullu attuumassuteqarsinnaasut tamarmik sumiiffissineqarsimapput, massakkumullu paasitinneqarpugut pineqartut tamarmik peqqussutit naapertorlungit ingerlatsisut.

Nuna tamakkerlungu corona pillugu aqutsisoqarfimmiit paasitinneqarpugut mianersortumik nunatta nakorsaaneqarfianiit inassutit naapertorlungit iliuseqassasungut.

Unali pisoq tamatsinnut eqeersaataalluni ilinniarfiusariaqarpoq – immitsinnut paarinissarput minnerunngitsumillu sissuernissarput pisariaqarluinnarpoq.

Danmarkimi massakkut coronap tuniluunnera annertoorujussuuvoq, juullilerneranilu angallanneq annertooq ingerlanneqarluni, taamaattumik innuttaasut saaffigissavassi nunatta nakorsaanerata inassutaat sukumiisumik maleqqullungit.

  • Ungasissutsinut innersuussutit malinneqassapput, inuit imminnut qanippallaarnaveersaassapput.
  • Inassutit naapertorlungit talinnut quersortassuutit imaluunnit tangajortassuutit.
  • Assatit asakulakkit imaluunnit spriti atoruk.
  • Napparsimanermik ersiuteqaruit angerlarsimaannarit.

 

Avannaata kommuniani innuttaasunut aaqqissuussinerit kommunimit ingerlanneqartussat inassutingaarput ulluni tulliuttuni unitsinneqassasut.

Pisut qanimut malinnaaffigaagut, paasissutissiinerit kommunip facebookiani nittartagaanilu malinnaavigineqarsinnaapput.

Covid-19 pillugu innuttaasut apeqqutissaqarunik nakorsaaneqarfiup nittartagaani nun.gl-mi paasissutissanik pissarsisinnaavutit imaluunniit corona hotline atavigineqarsinnaavoq tlf. 80 11 00 atorlugu.

Ilagut paaritigit uatsinnullu paarisa malitassallu malillugit. Toqqissisimatinneqarnissarsi pingaarnerpaatillugu suliaq ingerlapparput.

 

Inussiarnersumik inuulluaqqusillunga

 

Palle Jerimiassen