airplanebooksbriefcase business cogs cross election entertainment fish house law lockmedicalpeopleselfservices socialtax

UUMMANNAMI CIVID-19-INGIMIK NAPPAATEQARTOQALERSIMANERA PILLUGU KOMMUNIP PAASISSUTISSIISSUTAA

Corona pillugu aqutsisoqarfimmiit ullaaq manna Avannaata Kommunia ajoraluartumik nalunaarfingineqarpoq Uummannami inuk ataaseq COVID-19-imut misissuinermi napparsimasoq paasineqartoq. Inuk pineqartoq karantænerpoq oqartussaasunillu taama pisoqartillungu periutsit naapertorlungit sullinneqarpoq, oqartussaasullu massakkoqqissaaq pineqartunut attuumassuteqarsinnaasut sumiiffissiniarlungit suliaqarput.
14. januar 2021

Kommunip corona pillugu aqutsisoqarfik qanimut suleqatigaa, iliusissallu oqartussaasunit ingerlanneqarput qulakkeerumallungu nualluussuup Uummannami siaruattaalineqarnissaa.

Nuna tamakkerlungu corona pillugu aqutsisoqarfimmiit paasitinneqarpugut mianersortumik nunatta nakorsaaneqarfianiit inassutit naapertorlungit iliuseqassasungut.

 

Immitsinnut paarinissarput minnerunngitsumillu sissuernissarput pisariaqarluinnarpoq.

Danmarkimi massakkut coronap tuniluunnera annertoorujussuuvoq, angallanneq annertooq piffissami aggersumi ingerlanneqartussaavoq, taamaattumik innuttaasut saaffigissavassi nunatta nakorsaanerata inassutaat sukumiisumik maleqqullungit.

 

  • Ungasissutsinut innersuussutit malinneqassapput, inuit imminnut qanippallaarnaveersaassapput.
  • Inassutit naapertorlungit talinnut quersortassuutit imaluunnit tangajortassuutit.
  • Assatit asakulakkit imaluunnit spriti atoruk.
  • Napparsimanermik ersiuteqaruit angerlarsimaannarit.

 

Avannaata kommuniani innuttaasunut aaqqissuussinerit kommunimit ingerlanneqartussat inassutingaarput suli ulluni tulliuttuni uninngatinneqassasut, aamma Uummannami utoqqaat illuanut pulaartoqarsinnaajunnaarallarpoq.

Pisut qanimut malinnaaffigaagut, paasissutissiinerit kommunip facebookiani nittartagaanilu malinnaavigineqarsinnaapput.

Covid-19 pillugu innuttaasut apeqqutissaqarunik nakorsaaneqarfiup nittartagaani nun.gl-mi paasissutissanik pissarsisinnaavutit imaluunniit corona hotline atavigineqarsinnaavutit tlf. 80 11 00 atorlugu.

 

Ilagut uatsinnullu paarisa malitassallu malillugit. Toqqissisimatinneqarnissarsi pingaarnerpaatillugu suliaq ingerlanneqarpoq.

 

Inussiarnersumik inuulluaqqusillunga

 

Palle Jerimiassen