airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommunia nutaamik periusissiaqalerpoq nutaamillu takorluugaqalerluni: - Piujuartitsinermik tunngaveqartumik ineriartortitsineq ataatsimoorullugu

Februaarip ulluisa 20-t 2021 kommunalbestyrelse ataatsimiinnerminni Pilersaarutitut Periusissiaq 2020 inaarutaasumik akuersissutigaat. Takorluugaq Kommunimut pilersaarummi saqqummiunneqaannarani, Pilersaarutitut Periusissiaq 2020 aamma tassaavoq politikkikkut pingaarnersiuinermi sulinermi sakkussaq, tassani Kommunalbestyrelsip isumaginninnikkut, teknikkeqarnikkut, aningaasaqarnikkut inuussutissarsiornermi ineriartortitsinikkut ilinniarnikkullu takorluugaasa allaaserineqarnernerat.
22. februar 2021

Kommune nutaatut  NP-imi Piujuartitsinermik tunngaveqartumik ineriartortitsineq akuutinniarlugit aalajangerpoq.  NP-p nunarsuaq tamakkerlugu anguniagai 17-init tassaapput siunissaq piujuaannarnerusumik eriaginissaanut nunanit tamalaanit peqataaffiusumik   qulakkeerinninneq, pinngortitamut innuttaasunulluunniit akornutaanngitsumik.

Pilersaarutitut Periusissiaq 2020 iliuuseqarfissanik qulinik imaqarpoq ukiuni tulliuttuni immikkut sammilluarneqartussanik.  Ilaatigut eqqagassalerinermut avatangiisimullu, imermut eqqiluisaarnermullu toqqaannartumik attaveqarnissaq, meeqqat ilinniartitaanerannut sinaakkutit  pitsaasut aamma suliffissaqartitsiniarnermut periarfissat ukkatarineqarluarnissaanut isumaavoq.

Taakku saniatigut Periusissiaq aamma pingaartitanik sisamanik imaqarpoq, taakku Kommunalbestyrelsep aalajangiinera malillugu kommunip sulinerani ilisarnaataasussaapput.  Pingaartitat tassaapput:

  • Siunissaq ungasinnerusumut pilersaarusiorneq. Siunissaq ungasinnerusoq eqqarsaatigissuarput aamma siunissami pisariaqartitsineq naapertorlugu isumatusaartumik piujuaannartitsissaagut
  • Nutaamik eqqarsaatersorneq: Aaqqiissutinik nutaanik piffinni pisariaqartitat unammillernartullu naapertorlugit naleqqussaassuugut.
  • Pitsaassuseq: Kiffartuussinerup pitsaassusaa nukittorsarniarparput aamma sulisut piginnaasaat, taamaalilluni kommunimi sulinermi pitsaassuseq qaffasittoq ilisarnaataaniassammat.
  • Akisussaassuseqarneq: Akisussaassuseqarluta iliuuseqarniarpugut aamma innuttassut naatsorsuutigisai naammassissavavut

Maanna tassa anguniakkavut piviusunngortittussanngorpavut alloriarnerlu siulleq tassaavoq kommunimut pilersaarutip ilaata kukkunersiornissaa. 

Tamassuma saniatigut kommunalbestyrelse aamma Piujuaannartitsinissamik suliaqarfimmi immikkoortortaqarfimmik pilersitsivoq, taassuma kommunimi immikkoortortaqarfiit anguniagaannik ikiortassavaat qulakkiissallugillu kommunip suliai NP-p nunarsuarmi anguniagaanut tulluartuunersut.

 

Apeqqutissaqaraanni saaffigineqarsinnaavoq:

Planchefi Hanne Holm, hha@avannaata.gl imaluunniit

Suliniutinut aqutsisoq, Piujuaannartitsinissamik suliaqarfimmi immikkoortortaqarfik, Maria Blichfeldt Petersen, mabp@avannaata.gl