Taamaattumik kommunemi nutaanik aningaasliissutissanik pilersitsisimavoq, tassunga innuttaasut, peqati-giiffiit, ilinniartoqarfiit aamma suliffeqarfiit iluanaarniutiginagu ingerlatsisut qinnuteqarsinnaallutik, suliniutinut, iliuusissanut suliniutinullu, tamanut iluaqusersuutaasinnaasumik piujuaannartitsinissamillu siunertalinnut.
Tapiiffigineqassangaanni suliniummi FN-p nunarsuarmiuni anguniagaani 17-nini ataaseq arlallilluunniit naammassisaqarfigalugit iliuuseqassapput.
”Kommunemit tamarmit qinnuteqaatinik tigusaqarnissarput qilanaareqaarput pissangallutalu inuit isumassarsiaasa takunissaannut. FN-p Nunarsuarmioqatigiinnut anguniagassiisutai avatangiisinut tunngallutillu, aamma assersuutigalugu nukissiutinik mingutitsinngitsunik, atoqqiinernik imaqarput, aammali sumiiffimmi inuussutissatigut piujuaannartitsineq atorlugu aqutsinikkut, aammalu inooqatigiinnermut tunngasutigut, soorlu assersuutigalugu ilinniartitaanikkut, naligiissitaanikkut peqqissutikkullu attuumassuteqartunut. Taa-maattumik periarfissaqarpoq suliniutinut assigiinngittorpassuarnut qinnuteqartoqarsinnaavoq sumiiffinni inuiaqatigiinnik, pinngortitarsuatsinnik avatangiisitsinnillu nukittorsaaniutinut” taama suliniummik piujuaan-nartitsinissamut immikkoortoqarfimmi aqutsisoq Maria Blichfeldt Petersen oqarpoq.
Qinnuteqarfittut piffissaliussaq tassaavoq 1. maj-miik 1. juni 2021-mut.
Qinnutqarnermut piumasaqaatit qinnuteqarnissamullu periutsit pillugit uani paasisaqarnerusinnaavutit
Apeqqutissaqaruit paasisaqarnerorusukkuillu attavissat:
Suliniummut aqutsisoq Maria Blichfeldt Petersen
mabp@avannaata.gl
