Amerikamiunik atorfilittanik paasiniaaqatigiilluni ataatsimeeqateqarneq

Amerikamiut atorfilittat Eavan Cully USA-p Nuummi sinniisoqarfiani atorfeqarluni pisortaqarfinnut tunngassutilinnik suliaqartoq aamma Cynthia Brown USA-p Danmarkimi aallartitaqarfiani atorfeqarluni nunami pisortaqarfinnut tunngassutilinnik suliaqartoq Ilinniarnermut Ingerlatsivimmi atorfilittanik ataatsimeeqateqarput.

- Ataatsimeeqatigiinneq paasiniaaqatigiinneruvoq, tamattalu meeqqat atuarfianni atuartitsinermi immikkoortukkaanik pitsanngorsaasinnaanermik oqaloqatigiissutigisagut ingerlateqqinniarlugit isumaqatigiippugut. Alimasissumit atuartitsinerup qanoq pitsanngoriarteqqinneqarsinnaanera misissuivigerusupparput, soorlu teknikkip tungaatigut ikorfartorneq eqqarsaatigalugu. Aamma atuaqatigiinnik peqatigiiaanik tuluit oqaasii atorlugit alimasissumit ikinnguteqalersinnaaneq oqaloqatigiissutigaarput, Aka Grønvold Ilinniarnermut Ingerlatsivimmi pisortaq oqarpoq.

Amerikamiut atorfilittat marluk piffissami matumani nunatsinni angalaarlutik meeqqerivinni aammalu meeqqat atuarfianni pissutsit pillugit paasisassarsiorput. Oqaluttuarallu suliniutinik assigiinngitsunik misilittagaqarfigisaminnik nunarsuup sinnerani neqerooruteqartarlutik.

Allattoq assiliisorlu: Káte Hansen, khan@avannaata.gl