- Nunaqarfinni aqutsisunut aammalu ilagiit sinniisaannut apriilip 6-ani 2021-mi qinersinerit inerneri Avannaata Kommuniani qinersinermut ataatsimmiititaliami ilaasortat akuersissutigaat. Kisitseqqissaarineq nikingassutiminernik siumuiffiuvoq, taakkuli tamakkiisumik inernerusunut sunniuteqassanngillat. Nunaqarfinni aqutsisunngortut inissititernissaminnut taamaasilutik periarfissaqalerput, Nick Nielsen Avannaata Kommuniani pisortaaneq oqarpoq.
Nunaqarfinni aqutsisunut taasinernik kisitseqqissaarinermi najugaqarfiit pingasut nassaarfiupput ukuusut:
- Saattut, nikingassutit 13-it
- Qaasut, nikingassut ataaseq
- Nuussuaq, nikingassut ataaseq
Ilagiit sinniisaannut qinersinermi taasinerit kiseqqissaarneqarneranni nikingassut ataasituaq siumorneqarpoq, tamatumanilu nikingassut Uummannami siumorneqarpoq.
Nunaqarfinni aqutsisuni sivisunerpaamik ilaasortaasimasut nunaqarfinni aqutsisutut nutaatut ilaasortanngortut inissititerlutik ataatsimiinnissaannut ataatsimiigiaqqusisuussapput.
Allattoq: Káte Hansen, khan@avannaata.gl