Ilulissani Kangiata Illorsuassaa nutaarsuaq ulloq 3.juli 2021 ammarpat, tassani aquttuussaaq Elisabeth Momme. Elisabeth atorfeqarsimavoq Helsingør-imi kulturikkut illorsuarmi Toldkammerat-imi aqutsisutut, tassani ukiuni 22-ni sulisimalluni.
Kalaallit Nunaannut angerlarneq
Elisabeth Momme Nuummi inunngorpoq allisarlunilu, tassami angutaa SANA-mi – Dronning Ingrid-ip Nappar-simmavissuani sillimmataasimavimmi nakkutilliisuusimavoq. 14-ninik ukioqarluni Danmarkiliarpoq atuariar-torluni. Koldingimi Designskole-mi atuarsimavoq bacheloriullunilu Tekstilforgivningimi, atisaliornermi aam-malu isiginnaartitsivissanik aaqqissuusinernut. Naak Danmarkimi inuunermi annersaa najugaqarsimangaluar-luni ilisimajuaannarsimavaa Kalaallit Nunaannut uterumaarluni.
”Maanngaanneersuuvunga, tassa Kalaallit Nunaat taamaappara. Qangali ilisimavara maanga utilerlunga. Iluaqutaarusuppunga unalu atorfik takugakku, taava paasivara taanna ujartungaralugu. Tamatuma kingorna Kalaallit Nunaannut arlaleriarujussuarlunga uteqqiassimavunga, kisiannili avannaaniinngisaannarsimallunga” Elisabeth Momme oqaluttuarpoq.
Katersugaasiviinnaassanngilaq
Kangiata Illorsua pulaartarfissatut paasissutissiisarfittullu atuuffeqassaaq, tassani kangia sermillu oqaluttuassartaa pissusissaatut initungaatsiassaaq. Kangiatali Illorsua sermermuinnaassanngilaq Emisabeth Momme-p isumaa malillugu.
”Sananeqaataa nalittsuuvoq, immikkuullarilluinnartumik inississimalluni, iluatsilluassappalli torrallataasumik, tamannalumi neriuutigeqarput, taava pingaaruteqarpoq, aamma tassaassasoq maanimiunit ornittagassaat. Illorsuaq uumassuseqartikkusuppara. Tassaassooq sumiiffik orneqqikkusunnartoq. Sulimi nutaajoqaaq sunillu suli aalajangersaasoqarani. Takorloorparali tassaassasoq oqalugiarfiusartoq tusarnaartitsiviusartorlu, kulturikkut qitiusoqarfik. Soorunalimi aamma pingaaruteqarpoq ilumoorsartunik paasissutissiisarnissaq. Takornariaqanngitsoorsinnaanngilagut, kisiannili ataatsikkorsuaq 3.500 takkuttariaqanngillat. Takorusunnerussavagut pinngortitaq kulturilu pillugit aggertartut. Siunniussaraarput inuit annerusumik ilisimasaqalernissaat nunarsuaq inuuffipput pillugu.” Elisabeth Momme oqaluttuarpoq.
Immaqa kaffi akisunerulaalissaaq
Piujuaannaertitsinissaq ataavartumik Kangiata Illorsuani qulequtaasassaaq tamanna aamma Elisabeth Momme-p uummateqarfigilluarpaa.
”Piujuaannartitsineqtunngaviulluinnartuuvoq tamannalu eqqarsaatiginiarsaraarput sutigut tamatigut. Ilaati-gut assersuutigalugu isersimatilluni kameqartoqartassanngitsoq. Tamannami aamma Kalaallit Nunaanni taamaappoq, kisianni immaqa aamma natit nungullattaaliorniarlugit kiisalu eqqiaatinik sipaaruteqarniarluni. Aammattaarli isikkat atorlugit misigisimaniarnissaq. Isigaannaatillutimmi allaat ujalussiaq tummarukku malu-gisinnaavat. Eqqarsaatigaarput immaqa isersimmatinik atukkiisarnissarput” Elisabeth Momme oqaluttuarpoq. Najukkamimi tunisassianik atuineq tassaasinnaavoq aamma periusiusoq Kangiata Illorsuata piujuaannartitsinertut atorniarsinnaasaa misilillugu. ”Siutsiu oqaloqatigisimavara kujataani savaateqarfinniik savat meqquisa sinnikuinik isersimmasiorsinnaanermik. Pilersaarutaavortaaq café-mi sumiiffimmi tunisassi-anik atuinissarput. Taamaassappat soorunami imaassinnaavoq kaffi akisunerulaarsinnaasoq. Tamannali akueriinnarsinnaavarput.
Kangiata Illorsua 3.juli 2021 ammassaaq, taamanikkussaq kaffillertoqassaaq illorsuarlu tamanut ammassaaq nal.11.00-miik.
www.isfjordscentret.gl/
https://www.facebook.com/isfjordscentret