airplanebooksbriefcase business cogs cross election entertainment fish house law lockmedicalpeopleselfservices socialtax

Suliniutit arfineq pingasut tapiiffigineqarput Piujuaannartitsinermut aningaasateqarfimmiik

Ulloq 1.juni siullerpaamik Avannaata Kommuniani Piujuaannartitsinissaq pillugu Ineriartortitsinissamut anin-gaasaateqarfimmut qinnuteqarsinnaanermut killissarititaliisoqarpoq. Aningaasaateqarfimmut siunertaavoq kommunemi piujuaannartitsinissamik siuarsaanerup ineriartortinnissaa aammalu FN-p nunarsuarmi anguni-agassiissutaanut 17-iusunut paasisimasaqarnerulernissaq.
25. juni 2021

Qinnuteqaatit 17-nit tiguneqarput tamarmik kommunemi suliniuteqartitsinissamik kissaateqartut.

Nalilersuisutut ataatsimiittitaliap qinnuteqaatit qimerluuataarsimavai kommunalbestyrelsillu suliniutit 8-t akuerisimallugit tapiiffigineqassasut, aningaasaateqarfiup piumasaanik naammassinnittutut aammalu nali-lerneqartut pinngortitamut, innuttaasunut inuiaqatigiiaqqatullu iluaqusersuutaasussatut.

Sulinutit tapiiffigineqartut nammineq piumassutsimik peqatigiiffinniik ingerlataapput kommunemilu ilinniarfiit.

 

Meeqqat pinngortitamik paasinnittaasiat nunarsuarmioqatigiinnullu anguniagaq nr. 12 isiginiarneqaqaat

Suliniutit ilaat tapiiffigineqartoq ilaatigut tassaavoq Upernavimmi peqatigiiffik pinngortitami plastikkikunik katersiniartoq maskiinamillu pisinissamut plastikkimik aserortereqqissaarummut taamaasilluni plastikkimik atoqqiisoqarsinnaalerluni.

Kalaallit Røde Korsiat aningaasanik pivoq atisanik atoqqitassanik nunaqarfinnut nassiussisarnissamut aamma containerimut innuttaasut pisariinnerusumik atisakunik pequtinillu tunniussillutillu Ilulissani  pisisinnaasa-lerniassammata.

Ilinniarfiit marluk tapiiffigineqarput piujuaannartitsineq pillugu qulequtsiillutik sapaatit akunnerini sammisa-qartitsisarnissamut aamma spejderit tapiiffigineqarput sammisassaqartitsinernut meeqqat pinngortitamik paasisaqarnerulernissaannut. 

 

Nittartakkakkut Facebook-ikkullu nalunaarutigineqarumaarpoq Piujuaannartitsinermi Ineriartortitsinissamut aningaasaatqearfimmut qinnuteqaqqittoqarsinnaaleqqippat.

 

Allattoq:
Maria Blichfeldt

Piujuaannartitsineq pillugu immikkoortumi suliniutinut aqutsisoq.