Nalunaaruteqarnermut piffissaq tassaavoq 30.06.2021-imit 11.08.2021 tikillugu ilanngullugulu.
Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.
Suliniut ima imaqarpoq:
KJ Greenland A/S qinnuteqarpoq sanaartorfissanik illunut assigiingiiaartunut, ilaqutariit illui, illut arfarleriiaat aamma illut uiguleriittut quleriit ataatsitut marluttulluunniit, katillugit inissiat 29-it. Ullumikkut sumiiffimmi A21-mi pilersaarutitut 18-ninik sanaartorfissaqarpoq illut qanittut pukkitsullu. Suliniummili qinnutigisami pilersaaru-titut toqqammaviusoq allanngorteqqaartariaqarpoq, tassa sanaartorfissat sumiuiffiup sanaartugassartaasa inissinneri sumiiffiup pilersaarutaanut naapertuutinngimmat.
Suliniutitut siunnersuut siornatigut nalunaarutaanikuuvoq tusarniutitullu akissutit pissutigalugit qinnuteqartup suliniut allannguiffigaa. Teknikkeqarnermut ataatsimiit-titaliap suliniutip allanngutaa nutaamik nalunaarutiginiarlugu aalajangerpoq. Suliniummi sanaartorfissat amerlassusaat ikilineqarput inissinnerilu allannguiffigineqarlutik taamaasilluni sisorartartut peqatigiiffiata illuutaata eqqaa inissaqarnerussalluni inissiaatileqatigiillu kitaatungaani nunaminertaq sanaartorfiussanani.
Suliniutissatut siunnersuut allanngortigaq: https://kommuneplania.avannaata.gl/media/3453/projektforslag-a21.pdf
Suliniutissatut siunnersuutit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit. Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik innimin-niinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Suliniutitut siunnersuutip allannguiffiginissaannut peq-qutaavoq sumiiffiup inissialiorfiginissaa akulikitsunik pukkitsunillu, sanaartukkat sumiiffimmi A21-p manna killeqarfiata iluaniissapput inissiaatileqatigiillu Tassap kitaatungaa sanaartorfiussanngilaq.
Qinnuteqaatit tamarmik imaattunik imaqartinneqassaaq:
1. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
2. Atornissaa pillugu paasissutissaq.
3. Teknikkikkut ikkussukkat pillugit paasissutissat.
4. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.
Piffissamut aamma sanaartornissamut pilersaarutit.
Ullormit 30.06.2021: nunaminertap immikkoortuanut suliniutissanut allanut siunnersuutit nassiunneqassapput.
11.08.2021-mut: nal. 04:00 suliniutissatut siunnersuutinik tigooraaneq matussaaq.
Siunnersuut
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 701800 imaluunniit mailikkut: plania@avannaata.gl