Atuartitsissutit, soorlu atuartitsissutini tamani atortussat suliassartaallu akeqanngitsut, pikkorissarnerit akeqanngitsut, nutaarsiassanik allagarsiat, nittartakkatigut ataatsimiinnerit pikkorissarnerilluunniit, pikkorissarnissamut ilinniartitsisumik inniminniineq, atuartitsineq pillugu oqaloqatigiinnerit imaluunniit suleqatigiiaartitsisinnaanerit naleqqussakkat, nittartakkami ammaassiviit, ukiumi atuartitsivissami pilersaarusiat allarpassuillu. Avannaata Kommuniani ilinniartitsisut CLIO.dk-mi ilinniartitsinermi atortussianik digitaaliusunik ilinniartitsisunit atuartunillu atorneqarsinnaasunik atuilernermikkut atuartitsinerminni taama ikiorsiivigineqarnissaminnut periarfissaqartigilissapput.
CLIO.dk-mik suleqateqalernissamik aalajangerneq taamalu ilinniartitsisut killeqanngitsumik ikiorserneqarnissaannut siunnersorneqarnissaannullu periarfissiinissaq Inerisaanermut Ataatsimiititaliamit aammalu aningaasaqarnermut ataatsimiititaliamit innersuussutigineqareersorlu kommunalbestyrelsimi ileqquusumik juunip 23-ani ataatsimiinnermi pivoq.
- CLIO.dk-mik suleqateqalernikkut Avannaata Kommuniani ilinniartitsisut killeqanngitsumik atuartitsissutinik periarfissaqalissapput, taamalu atuartitsinermi pitsaassuseq qaffariaqqinneqarsinnaassaaq, Aka Grønvold Ilinniarnermut Ingerlatsivimmi pisortaq oqarpoq.
CLIO.dk-mik suleqateqalerneq sivikinnerpaamik ukiuni tallimani atuuttussaq 434.000 koruuninik kommunimut akeqassaaq, tamatumalu saniatigut aallartisarnermi aningaasartuutaasussat 217.000 koruuniupput.
Nittartagaq nunatsinni atuarfinnik suleqateqareerpoq, taakkulu CLIO.dk-mi immikkut qupperneqartinneqarput.
Allattoq: Káte Hansen, khan@avannaata.gl