airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommunia: Kommunalbestyrelsimi ilaasortat misiginneqataapput

Upernavimmi Covid 19-imik tunillatsissimanerup kinguneranik toqusoqarnerani ilaqutaasut toqukkut qimagaasut kommunalbestyrelse sinnerlugu misiginneqatigaakka.
20. november 2021
Corona ukiuni marlunngulersuni atugarisimavarput, coronamullu akiuiniarluarsimavugut. Nakorsaanerup innersuussutaanik malinnilluarsimavugut, taamaakkaluartorli innuttaasut tamaasa innersuussutinik makkuninnga malinninnissaat kaammattuutigissavara.

• Napparsimaguit angerlarsimagit
• Assatit asakulakkit imaluunniit spriti assannoortoq atoruk
• Talivit peqittarfianut quersorlutilluunniit tangajorit
• Timikkut attuinaveersaarit – assamminnaveersaarit, ersakkut kunissinaveersaarit, pakkutaarinaveersaarit il.il.
• Eqqiaakulagit inillu silaannarissakulakkit – angerlarsimaffinni suliffinnilu
• Inunnut allanut qanillinaveersaarit allallu taamaaliornissaannik piumaffigikkit.

Tuniluunnissaq pinaveersaarniarlugu Nakorsaaneqarfimmit innersuussutit arfinillit malinnissaat iliuuserisassat pitsaanersaraat. Angerlarsimaffinni, kikkut tamat ornittagaanni, atuarfimmi aamma suliffeqarfimmi ulluinnarni ileqquliutissagitit innersuussutigaarput. Meeqqat innersuussutinik malinninnissaannut ikiortarnissaat aamma eqqaamajuk.

Inuulluaqqusillunga

Palle Jerimiassen
Avannaata Kommuniani borgmesteri