airplanebooksbriefcase business cogs cross election entertainment fish house law lockmedicalpeopleselfservices socialtax

Nalakkersuisunut ammasumik allagaq

Uummannami aalisariutit 6 meterimit anginerusut qaleralinnik ukiup sinneranut pisassinneqarnissaat pisariaqarpoq tamannalu tuaviortumik aaqqiivigineqartariaqalerpoq.
22. november 2021

Sapaatip akunnera kingullerli aalisarnermut Naalakkersuisoq allakkatigut ataatsimeeqatiginiarlugu saaffigigaluarpara, uterfigineq ajormanga matumuuna oqaloqatiginerani piumasaqatigisassaraluara allatut ajornarmat saqqummiuppakka.

Neriussimangaluarpunga oqaloqatigiinnikkut aaqqiissutaasinnaasumik isumaqatigiissusiorsinnaassalluta kisianni tamanna ornigineqarsimanngilaq.

Innersuussutigissuara Uummannami Qaleralinniarfiat Peqatigiiffiata QP-ip aamma Uummannami Knapp-p 10.11.21-mi Naalakkersuisunut allagaa.

Angallatit tulassuinnginnerisa kingunerisaanik suliffissuit sulisuminnik angerlartitsisalersimapput taamatullu angallatit inuttai aamma aningaasarsiorfeerullutik. Ilaqutariippassuit eqqorneqarput ukiullu taamaasinerani pisariaqartitsinerulerfiup nalaani aalisarnerup ingerlaannarnissaa pisariaqarpoq.

Palle Jerimiassen

Avannaata Kommuniani Borgmesteri