Avannaata Kommuniani Inerisaanermut Ataatsimiititaliami ilaasortat immikkut ataatsimiinneranni aalajangiunneqarpoq piffissami Avannaata Kommuniani Covid – 19mik atuiffiusumi nappaatip tuniluunniissaa pitsaaliorniarlugu timersoqatigiiffinni peqatigiiffinnilu meeqqat 2-12-nik ukiullit kiisalu akiuussutissamik kapitissimanngitsunut eqqarsaatigalugit timersornermik il.il aaqqissuussisinerit tamarmik ingerlanneqannginnissaat inassuteqaatigineqarpoq.
Avannaata Kommuniani sapinngisaq tamaat Covid-19 tuniluunnerata pitsaaliorneqarnissaanik sulissuteqartoqarpoq eqqumaffigineqarlunilu, taamaammat innuttaasunit tamanut sapinngisamik nun.gl killilersuinerit malinneqarnisaannik inassuteqaateqarpoq.
- Assatit errorluartakkit
- Eqqiluisaarit
- Sapinngisamik eqitaarinaveersaarit
- Napparsimasutut misigivuit angerlarsimaannarit
Inerisaamermut ingerlatsivik / Peqqinneq Sunngiffik