Inerisaanermut ataatsimiititaliaq ulloq 3. december ataatsimiippoq, tassani aalajangiunneqarluni ulluunerani paaqqinnittarfiit ammaqqinnissaat.
Upernavimmi Covid-19-mik nappaalunneq pissutaalluni novembarip naaneranili ulluunerani paaqqinnittarfiit matoqqasariaqarsimapput. Tamanna pivoq sulisorpassuit akornganni aatsuunneq pissutigalugu, aammalu nappaalanerup nalaani sulisunik amigaateqarneq pissutaalluni.
Kisianni maanna pissutsit pitsanngoriartorput sulisullu amerlanerit peqqissisimallutik, taamaattumik ammaqqinnissamut periarfissaqaleqqilluni.
Tamanna ima isumaqarpoq inuttaasut angerlarsimaannartariaqarsimasut maannakkut meeqqatik tunniussinnaanngorpaat suliartorsinnaanngorlutillu.
Ulluni nappaalaffiusuni ulluunerani paaqqinnittarfiit matoqqanerani akiutigineqarsimasut angajoqqaanut utertinneqassapput.
Tamatuma saniatigut innuttaasut tamaasa kaammattorneqarput innersuussutit uku malinneqarnissaannik:
• Napparsimaguit angerlarsimagit
• Assatit asakulakkit imaluunniit spriti assannoortoq atoruk
• Talivit peqittarfianut quersorlutilluunniit tangajorit
• Timikkut attuinaveersaarit – assamminnaveersaarit, ersakkut kunissinaveersaarit, pakkutaarinaveersaarit il.il.
• Eqqiaakulagit inillu silaannarissakulakkit – angerlarsimaffinni suliffinnilu
• Inunnut allanut qanillinaveersaarit allallu taamaaliornissaannik piumaffigikkit.
Tuniluunnissaq pinaveersaarniarlugu Nakorsaaneqarfimmit innersuussutit arfinillit malinnissaat iliuuserisassat pitsaanersaraat. Angerlarsimaffinni, kikkut tamat ornittagaanni, atuarfimmi aamma suliffeqarfimmi ulluinnarni ileqquliutissagitit innersuussutigaarput. Meeqqat innersuussutinik malinninnissaannut ikiortarnissaat aamma eqqaamajuk.
Allattoq: Nita Jul Larsen