Kalaallit Airports-ip kissaatigaa immap naqqaniik katersat ilitsiveqarnissaat nuuit ilaanni mittarfittaassap sanaartorfiata killeqarfiani, Sumiiffik tamanna inuussutissarsiornermut siunertalinnut atugassiaangaluarpoq (Sumiiffiup ilaa 1200-B10) ullumikkullu sanaartorfiunani pingortitatut inisseqqavoq illuaqqat ataasiakkaat eqqaassanngikkaanni.
Kommunemut pilersaarummut tapiliussaq nr. 28 piffissami 17.12.2021-miit 16.02.2022-mut tamanatu tusarniutigineqarpoq.
Kommunip pilersaarutaata tapiata siunertaa
Kommunep pilersaarutaanut tapiliussap siunertarineruaa ilitsivissatut periarfissiinissaq immap naqqaniik katersanut ilitsivissatut mittarfissap suliarineranut atatillugu qallukkanut.
Kommunep pilersaarutaanut tapiliussaq atorlugu sumiiffiup ilaata teknikkeqarnermut atuuffissaa al-lanngortinneqarpoq. Sumiiffiup ilaa nutaaq, 1200 – E7, atorneqassaaq immap naqqaniik katersat ilitsivissaatut sanaartornermi qallungaasunit, kiisa-lu mittarfiup eqqaani imaatigut annaassiniarfimmik pilersitsinissamut.
Kommunimut pilersaarummut tapiliussaq nr. 28: https://kommuneplania.avannaata.gl/media/3992/kpt-for-e07-tinussaraaq-forslag.pdf
Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. Mailikkut uunga: plania@avannaata.gl . Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 16.02.2022.
