Sanaartorneq 2021-mi naammassineqartussaagaluarpoq, ajuusaarnartumilli illup iluani suliassat kingulliit COVID 19 aamma LASØ-mut atortussanik pissarsiniarnissaq kinguartoorutaapput.
Sanaartortitsisuniit oqaatigineqarpoq uffarfinni imeq kiattoq piffissami matumani suli iluarsinngitsoq. Tamatuma saniatigut februarimi illu sullivik atulersinnagu imermut siammartigassamut qattarsuaq alla ikkunneqartussaavoq.
Ukkusissani illu sullivik arlariinngorlugu atorsinnnaasutut sanaartorneqarpoq, tassami aamma ulluunerani paaqqinnittarfik/meeqqerivik aamma tassaniissammat, maannalu sanaartornermi illup iluani piariigassat kingulliit piareerniariarmata sulisut meeqqerivimmi meeqqat nutsernissaanut piareersarnerit ingerlappaat.