Aningaasat ilaatigut atuarfinnik, kuuffinnik, nunaqarfinnilu aqqusinernik annerusumik iluarsartuussinissamut, eqqakkanut poortuutinut nutaanut kiisalu atortussanik pisiniarnernut aamma suliassanik maannakkut ingerlasunik nangitsinernut atorneqassallutik. Taamaattorli aningaasat ilarpassui sanaartugassanut nutaanut 43 sinnerlugit amerlassusilinnut aamma atorneqassapput. 2022-mi sanaartugassat immikkoortunut agguataarneqarsimapput ataanilu takuneqarsinnaallutik:
Avannaata Kommunia:
- Angallatinik motorilinnik pisiniarneq (10 mio. kr.): atortussat angallatit arlallit ilaatigut Uummannamut aamma Upernavimmut lastbiilit. Qaanaamut gummigedit, nunaqarfinnullu arlalinnut kranerit il.il.
- Kommunip illuutai (10 mio. kr.): illuutit aserfallatsaalineqarneranut aningaasat atorneqassapput kiisalu kommunimi illunut uninngaannartunut isaterinermut atorneqassallutik.
- Ingerlatsinermi sulisunut isersimaartarfiit (1,4 mio. kr.): nunaqarfinni atserisut/eqqaavilerusut atugaannik pitsanngorsaaniarluni misiliutitut suliniut sulisunut isersimaartarfiit ikkussoriaannaassapput nalunanngitsunnguullutillu.
- Kalerrisaarutit upalungaarsimaneq (3,3 mio. kr.): atortorissaarutit inniminnikkat upernavimmut aamma 2022 ingerlanerani Qaanaamut ikkussorneqassapput.
- Eqqakkanut poortuut aamma saviminernut killuut. (9,3 mio. kr.): Uummannamut eqqakkanut poortuummik nutaamik aamma Ilulissat eqqaavissuannut saviminikunik killuummik pisineq.
- Nunaqarfinni eqqaavissuarnik aqqusinernillu iluarsaaneq (4 mio. kr.) Kullorsuaq, Tasiusaq, Nuussuaq, Upernavik Kujalleq, Ukkusissat aamma Ilimanaq ilanngullugit.
- Atuarfinnik aamma atualinnginnermi ornittakkanik iluarsaaneq (3,58 mio. kr.): aningaasat nunaqarfinni atuarfiit arlallit annertunerusumik iluarsaannerannut atorneqassapput ilaatigut Savissivik, Kullorsuaq, Nutarmiut, Upernavik Kujalleq, Ilimanaq iluarsaaffigineqassallutik.
- Avatangiisinut aningaasaateqarfik (1,5 mio. kr.): avatangiisinut aningaasaateqarfik aqqutigalugu kommuni Namminersorlutik oqartussanut eqqagasssalerinerup pitsanngorsarneqarneranut atugassanik aningaasanik qinnuteqarpoq, tamatumani kommunimit namminermit minnerpaamikaningaasat 30 %-tii pigineqartussaapput.
Qaanaaq:
- Qaanaami qatserutaasivik (kr. 0,5 mio. kr.): 2021 atunngitsuukkat aningaasartuutissat siorngatigut sannaviusimasoq/toqqorsiviusimasumut iluarsaanermut atorneqassapput, suliarlu 2022-mi naammassinneqassaaq.
- Qaanaami atuarfik (2 mio. kr.): Qaanaami atuarfimmi pioreersumi annertuumik iluarsaaneq aamma isaterineq kiisalu immaqa allilerineq.
- Qaanaami arsaattarfissaq ivigaasaaqqanik qalligaq (0,4 mio. kr.): Qaanaami arsaattarfissap ivigaasaaqqanik sanaassap suliarineqarnera.
- Qaanaami inuusuttunut ornittagaq (1 mio. kr.): Ihaariap iluarsaanneqarneranut aningaasartuutissat.
Upernavik:
- Kullorsuarmi illu sammisassaqartitsivik (3 mio. kr.): kullorsuarmi meeqqanut inuusuttuaqqanullu sammisassaqartitsivissap nutaap Namminersorlutik Oqartussat suleqatigalugit aallarnisarneqarnera
- Kullorsuarmi kuuffiit iluarsaanneqarnerat (1 mio. kr.): Nunaqarfimmi kuuffinnik iluarsaaneq 2022-mi aallartinneqassaaq.
- Tasiusami kuuffiit iluarsaanneqarnerat (0,97 mio. kr.): taamatuttaaq nunaqarfimmi kuuffinnik iluarsaaneq 2022-mi aallartinneqassaaq.
- Tasiusami ulluunerani paaqqinnittarfik (2,5 mio. kr.): tasiusami katersortarfitoqqap isatereernerata kingorna ulluunerani paaqqinnittarfissaq aallartinneqassaaq.
- Tasiusami atuarfik (2 mio. kr.): tasiusami atuarfiup pioreersup iluarsaanneranut aamma ilassutissaata aallartitsaneranut aningaasat atorneqassapput.
- Aappilattumi eqqaavissuup nuunneqarnera (2 mio. kr.): suliaq 2021-mili ingerlavoq naatsorsuutigineqarlunilu 2022-mi naammassineqassasoq
- Sornorumi (upernavik Kujalleq) (0,5 mio. kr.): Upernavik kujallermi illu sullivissap suliarineqarnera.
- Innaarsunni atuarfik (5,8 mio. kr.): nunaqarfimmi atuarfissap suliarineqarnera ingerlavoq naatsorsuutigineqarluni 2023-mi naammassissasoq.
- Upernavimmi asfaltilersuineq (3 mio. kr.): illoqarfimmi aqquserngit asfaltilersorneqarnerat, pingaartumik mittarfitoqqap talittarfiullu aqquserngi.
- Upernavimmi inuusuttunut inissiat (0,3 mio. kr.): Upernavimmi inuusuttunut inissiassat 12-it suliarineqarnerat.
- Ilulissani utoqqaat illuat (4 mio. kr.): Ilulissami utoqqaat illuani suliap annertuup aallartisarneqarnera, kiisalu isaterineq aamma ilassutissamik suliaqarneq.
- Upernavimmi utoqqaat illuat (6,25 mio. kr.): Sanaartorneq ingerlavoq, aningaasartuutissallu affaat Namminersorlutik Oqartussat akilertussaavaat. Suliaq 2023-mi naammassineqassaaq.
- Upernavik ivigaasaaqqanik arsaattarfik (0,5 mio. kr.): Suliaq 2021-mi naammassineqanngilaq, taamaattumillu ivigaasaaqqanik arsaattarfissap 2022-mi naammassineqarnissaanut aningaasaleeqqittoqarsimalluni.
- Upernavimmi sanaartorfigissaaneq (3 mio. kr.): Upernaviup avannaata tungaani sanaartorfigissaanermik suliaq ingerlavoq, naatsorsuutigineqarluni 2023-mi naammassineqassasoq.
Uummannaq:
- Saattuni ilinniartitsisut illussaat marluk (2,657 mio. kr.): Saattuni ilinniartitsisunut illussat marluk suliarialugit aallaartinneqarsimapput.
- Ukkusissat utoqqarnut inissiat (3,9 mio. kr.): Sanaartornissami ukkusissani illu sullivissap naammassineqarnissaa utaqqimaarneqarpoq, kinguneranillu illu sullivikup toqqaviani utoqqarnut inissiassat suliarineqassallutik. Sanaartornermi atortussat nunaqarfimmeereerput naatsorsuutigineqarluni sanaartorneq 2022-mi naammassissasoq .
- Ukkusissani atuarfik (1 mio. kr.): Aningaasartuutissat ukkusissani atuarfiup pioreersup iluarsartuunnissaanut imaluunniit nutaamik sananissamut pilersaarusiornermut atorneqassapput.
- Qaarsuni ikaartarfinnik aqqusinernillu iluarsaaneq (0,5 mio. kr.): Mittarfimmut aqqusinermut aqquserngup aamma ikaartarfiup iluarsaanneqarneranut aningaasat atorneqassapput.
- Ikerasanni ivigaasaaqqanik arsaattarfik (2 mio. kr.): Ikerasanni ivigaasaaqqanik arsaattarfissap suliariumannittussarsiuunneqarnera aallartisarneralu, atortussat Ilulissaneereerput.
- Uummannami asfaltilersuut angallattagaq (3 mio. kr.): Asfaltilersuummik angallattakkamik illoqarfimmi angallanneqarsinnaasumik pisineq, kingusinnerusukkullu assersuutigalugu Upernavimmut angallanneqarsinnaalluni.
- Uummannaq sanaartorfigissaaneq (2 mio. kr.): Uummannap kitaani suliniuteqarneq aamma sanaartorfigissaaneq, taamaaliornikkut sanaartorfissat nutaat aqqusinermut aamma nunami sanarfisaanermut ilanngunneqariissallutik.
- Uummannami asfaltilersuineq (0,6 mio. kr.): 2021-mi aningaasartuutissat sinneruttut 2022-mi minnerusumik asfaltilersuinermut atorneqassapput.
Ilulissat:
- Oqaatsuni atuarfik (2 mio. kr.): Aningaasat oqaatsuni atuarfiup nutaap suliniutigineqarneranut aamma aallartisarneranut atorneqassapput.
- Qeqertami ilinniartitsisut illuat (2 mio. kr.): Qeqertami ilinniartitsisut illussaata suliniutigineqarnera aallartisarneqarneralu.
- A32-mi inissiat nalinginnaasut (12,624 mio. kr.): Namminersorlutik Oqartussat suleqatigalugit inissianik nalinginnaasunik sanaartorneq, naatsorsuutigineqarpoq 2022-ip naanerani naammassineqassasut.
- Ilulissani mittarfimmut aqqut (9 mio. kr.): Hotel Arctic-miit mittarfiup tungaanut aqquserngup suliarineqarnera annertusineqarneralu kiisalu INI-miit Hotel Arctic-ip tungaanut inuit aqqutaannik pilersitsineq, tamatumunnga ilanngullugu ikaartarfiup allilerneqarnera inunnut aqqummik ilallugit.
- Ilulissat biilinut kaajallattarfiit aamma inunnut aquutit (2 mio. kr.): Pisiffiup eqqaani, Kuunnguarsummi,Conrad Cemnitzip aqqutaani ikaartarfiup pioreersup suliniutigineqarnera suliarineqarneralu kiisalu Mathias Storcip aqqutaata aamma kuunnguarsuup aqqutaata paarlannerani biilinut kaajallattarfik. Taamaaliornikkut Ilulissani aqqusinermi angallanneq oqilisaavigineqassaaq..
- Ilulissani qatserutit tummerallit (3 mio. kr.): ilulissani upalungaarsimasunut biilinik qatserutinik pisineq
- Ilulissani sunngiffimmi ornittagaq (5 mio. kr.): atuarfik Jørgen Brønlundip atuarfiani pinnguartarfimmut ilassutitut sunngiffimmi ornittakkamik pilersitsineq
- Ilulissat ukioqatigiiaanngitsunut ulluunerani paaqqinnittarfik (3 mio. kr.): meeqqanut ukioqatigiinngitsunut meeqqerivik ulluunerani paaqqinnittarfiup suliniutigineqarnera aamma sanaatorneqarnera,talittarfiup imersuullu akornani inissisimassaaq.
- Ilulissani sanaartorfigissaaneq (1 mio. kr.): Nuugaarsummi siunissami inuussutissarsiortunut atugassanik sanaartorfigissaaneq ataavartoq.