airplanebooksbriefcase business cogs cross election entertainment fish house law lockmedicalpeopleselfservices socialtax

Innuttaasut akisussaassusermik takutitsissapput

Avannaata Kommunia kisiartaalluni kommunini aalajangersimavoq imigassanik kimittuunik imerniartar-finnilluunniit matusiniarani.
27. januar 2022

-Uagut maani kommunitsinni innuttarisagut akisussaaffimmik tigusitikkusuppagut. Upperaagut tatigalugillu, ilisimangaat imminnut qaninginerpaasatillu paarilluarnissaat. Kommunetsinni suli coronamik eqqugaaqqasut amerlaqaat, taamaattumik soorunami upperaara mianersortumik pissuseqarnissaat, taama oqarpoq borgmester Palle Jerimiassen.

Ullumikkut tunillatsisimasut Avannaata Kommuniani 45 %-titut inisseqqavoq borgmesterillu neriuutigaa kisitsit taanna appariartussasoq inuit killilersuutinut ataqqinnippata naliginnaasumillu inassutaasunut.

-Pisariaqarsorinngilarput imigassanik kimilinnik imerniartarfinnilluunniit matooraanissarput. Nuna tamakkerlugu killilersuutinik peqarpugut Naalakkersuisut atuuttitaannik, tassuunalu inuit upperaagut killilersuutinik atuuttunik malinninnissaat.

Naak Avannaata Kommunia imigassanik kimittuunik nioqquteqarnermik unititsiniarluni kissaateqanngikkaluartoq, borgmester Palle Jerimiassenip innuttaasut kaammattorusuppai inassuteqaatut naliginnaasut maleqqullugit tuniluunneq minnerpaamiitinniarlugu.

  • Qanillinaveersaarit timikkullu attuuttarneq pinaveersaaruk
  • Ersiuteqaruit napparsimaguilluunniit angerlarsimagit
  • Assatit errortukulaakkit imaluunniit assannut spritti atoruk