Ukiup aallartinnerani Avannaata kommuniani innuttaasut amerlasuut Coronamik tunillatsipput. Tamassuma aamma utoqqaat illua kalluarpaa, sulisut atuisullu tunillanneqarlutik. Tamanna pissutigalungu ilaqutaasunut pulaarneqarsinnaajunnaarnermik kinguneqarluni.
Ullumikkut pissutsit allaanngorput, sulisut najugaqartullu Coronareersimalerput. Taamatuttaaq innuttaasut amerlasuut Coronamik tunillatsereerput, taamaattumik maannakkut utoqqarnut pulaarnissaq periarfissatut ammaanneqaqqilluni, sulili piumasaqaateqartumik.
Najugaqartoq marlukkaarluni pulaarneqarsinnaavoq.
Immitsinnut paarinissatta suli eqqamaneqarnissaa pingaaruteqarpoq. Taamaattumik utoqqaat illuanut iseraanni qanermut assiaquteqartoqartassaaq. Assasi asattornissaat imaluunniit spriterluarnissai eqqaamasigit.