Peqatigiilluni oqaloqatigiinnertalimmik ataatsimiinnissami ”Mittarfiit 2.0” suliarineqarnera aammalu ilaasoqarsinnaanermut missingersuutinut paasissutissat tunngaviliisuusut aammattaaq maannamut ineriartornermut tunngatillugu paasissutissanut pingaarutilinnut paasissutissanut ilassutissat suliarineqar-tarneranut suliassaq saqqummiunneqassaaq.
Kalaallit Airports, Visit Greenland aamma Air Greenland-miit sinniisut ilaajumaarput, Kalaallit Nunaannilu siuarsaanermi nammineq suliatik naatsunnguamik saqqummiukkumaarlugit Saqqummiussat aallaavigalugit oqaloqatigiinnertalimmik ataatsimiinnermi ilaasunut apeqqutinut oqaaseqaatinullu ammaassisoqartarumaarpoq, tassanilu Avannaata Kommuniamit, Namminersorlutik Oqartussanit sinniisut aammalu ingerlatseqatigiiffinnit sinniisut piareersimajumaarlutik.
Ilaanissamut nalunaaqqaartoqartariaqanngilaq, takkutiinnartoqarsinnaavoq imaluunniit qarasaasiakkut malinnaalluni, mittarfeqarfiit pillugit aammalu ineriartorneq maanna pisoq pillugu oqaloqatigiinnissamut ilaarusuttunut tamanut tikilluaqqusivugut. Ataatsimiinnermi kaffi/tii kaagillu sassaalliutigineqassapput.