airplanebooksbriefcase business cogs cross election entertainment fish house law lockmedicalpeopleselfservices socialtax

Kommunimut pilersaarummut tapiliussaq nr. 37, Illuikkiap nalaani najugaqarfik, Uummannaq

Pilersaarummiippoq imm. ilaani sanaartorfissanik nutarsaaneq, ilanngullugit sanaartorfissanik nutaanik atugassiineq, sanaartorfissanik pioreersunik piigaqarneq, kiisalu sanaartorfissanik pioreersunik iluarsiinerit, kiisalu aqqusinniorfissap allanngortinnera.

Kommunip pilersaarutaanut tapiut nr. 37-mut siunnersuut piffissami 16.09.2022-miit 30.10.2022-mut tamanut tusarniutigineqarpoq.
16. september 2022

Kommunimut pilersaarummut tapiliussaq nr. 37

Kommunip pilersaarutaata tapiata siunertaa

Kommunip pilersaarutaanut tapiumut matumunnga pingaarnertut siunertaq tassaavoq imm. ilaa A12-ip iluani sanaartorfissanik nutaanik atugassiinissaq, tamatumani inissiat amerlanerit sanaartugaanissaannut periarfissiisoqassalluni.

Kommuneplantillaeg37_1

Sanaartorfissanik nutaanik atugassiineq namminersorlutik oqartussat inissiaasa nutaat, aammalu inuup nammineq illussaanik sanaartornissaat pillugit qinnuteqarnernik tunngaveqarpoq, aqqusinniorfissamilli, aammalu sanaartorfissanik pioreersunik iluarsaallunilu piiaaneq sanaartorfigissaanermut suliniutip piviusup naleqqussarneranik tunngaveqarluni, aammattaaq sanaartorfissat atugaareersimasat pissutsinut piviusunut naleqqussarniarlugit.

Kommuneplantillaeg37_2

Inuusuttunut inissianut sanaartorfissat Namminersorlutik Oqartussat qinnuteqarnerisigut pisortat illuutaattut immikkoortinneqassapput.

 

Kommmunip pilersaarutaanut tapiummut siunnersuut sapaatip akunnerini arfinilinni tusarniutaavoq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

 

Tusarniutaasumut akissutit kommunip nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. mailikkut uunga: plania@avannaata.gl. Aamma akissuteqaatit najukkanni Sullissivimmut imalunniit kommunimut nassiussinnaavat.

 

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqarsinnaalissaaq.

 

Tusarniaanermut akerliussutissaqaruit imaluunniit oqaaseqaatissaqaruit taakku kingusinnerpaamik kommunimit tiguneqareersimassapput ulloq 30.10.2022.