airplanebooksbriefcase business cogs cross election entertainment fish house law lockmedicalpeopleselfservices socialtax

Qaanaami Kommunalbestyrelse-p ataatsimiinnissaa taamaatippoq

Pissutsit assingiinngitsut pissutigalugit, aalajangiunneqarpoq oktober-imi Qaanaami kommunalbestyrelse-p ataatsimiinnissaralua taamaatittoq. Ataatsimiinnissarlu oqarasuaatikkut ingerlatiinnarneqassasoq.
7. oktober 2022

August-imi kommunalbestyrelse-p ataatsimiinnerani aalajangiunneqarpoq katersuulluni ataatsimiinnissaq tulleq Qaanaami ingerlanneqassasoq

Pissutsilli assingiinnitsut pissutaallutik ajoraluartumik ataatsimiinnissaq taamaatiinnarneqarpoq.
Tassa kommunalbestyrelse-mi ilaasortat arfineq-marluk katersuulluni ataatsimiinnissamut peqataasinnaanatik nalunaarsimammata

Taassumalu saniatigut qulimiguutimmik angalaniarneq teknik-ikkut ajornartorsiuteqarfiulluni. Tamatumalu kingunerisaanik ilaasortat Uummannamiik, Upernavimmiik nunaqarfinniillu piffissaq eqqorlugu Ilulissanut tikissinnaannginnerat Qaanaamut ingerlaqqinnissamut.

Kommunalbestyrelse-p ataatsimiinnissaa pilersaarutit malillugit 7. oktober ingerlanneqassaaq, kisianni oqarasuaatikkut ataatsimiinnerussalluni. Qaanaaliarnissaraluamut taarsiullugu aalajangiunneqarpoq, parti-it aqutsisui borgmester-ilu kingusinnerusukkut ukiup naannginnerani imaluunniit upernaamut Qaanaaliassasut.