Kommunip pilersaarutaata tapiata siunertaa
Kommunip pilersaarutaata tapiata pingaarnertut siunertaa tassaavoq inissiatut akulerussuussatut iluseqartunik illunut sumiiffiup atugassiarinissaa. Tassunga atatillugu imm. ilaa 1200-A21-p killeqarfia allineqarpoq, immikkoortitatut imm. A21.2-mut aalajangersakkat immikkuualuttut nutaat aalajangersarneqarlutik, tamatumani siamasissunik-pukkitsunik aamma akulikitsunik-pukkitsunik inissialiornissamut periarfissiisoqarluni. Aamma sumiiffiup iluani aqquserngit uninngaarfissanillu atugassiinissamut pilersaarut aalajangersakkanik imaqarpoq.
Kommunip pilersaarutaata tapiatigut suliniummut qinnuteqaammut nunaminertamik atugassiinissaq periarfissinneqassaaq, nunaminertallu inniminniissutaanera nalunaarutigineqareerpoq.
Kommmunimut pilersaarummut tapiliussaq sapaatip akunnerini arfineq-pingasuni sivisussuse-qartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 01.02.2023.